India vs Australia 3rd ODI: भारत आणि ऑस्ट्रेलिया यांच्यातील तीन एकदिवसीय सामन्यांच्या मालिकेतील तिसरा सामना (IND vs AUS) 22 मार्च रोजी चेन्नईच्या एमए चिदंबरम स्टेडियमवर खेळवला जाईल.

टीम इंडियासाठी हा सामना खूप महत्त्वाचा असणार आहे. मालिका सध्या 1-1 अशा बरोबरीत आहे. पण जर टीम इंडिया मालिकेतील शेवटचा सामना हरली तर टीमचे मोठे नुकसान होऊ शकते. अशा परिस्थितीत रोहित शर्माच्या नेतृत्वाखालील टीम इंडियाला हा सामना कोणत्याही किंमतीत जिंकायचा आहे.

टीम इंडियावर सर्वात मोठा धोका आहे

जर टीम इंडिया (Team India) तिसरा सामना हरली तर ती मालिका 1-2 ने गमावेल. त्याचबरोबर टीम इंडिया सध्या वनडे क्रमवारीत पहिल्या क्रमांकावर आहे. पण तिसऱ्या वनडेत भारत हरला तर ऑस्ट्रेलिया त्याच्या पुढे जाऊ शकतो.

ऑस्ट्रेलियाने मालिका 2-1 ने जिंकली तर दोन्ही संघांचे 113 गुण होतील. दुसरीकडे, टीम इंडियाने हा सामना जिंकला तर 115 गुणांसह एकदिवसीय क्रमवारीत ते पहिल्या क्रमांकावर राहतील.

वनडे मालिका 1-1 अशी

मालिकेतील पहिल्या सामन्यात भारताने ऑस्ट्रेलियाला (Australia) 35.4 षटकांत 188 धावांत गुंडाळले. प्रत्युत्तरात टीम इंडियाने 39.5 षटकांत पाच गडी गमावून 191 धावा केल्या. त्याचवेळी, दुसऱ्या वनडेत टीम इंडियाचा डाव 117 धावांवर आटोपला. टीम इंडियाला दुसऱ्या एकदिवसीय सामन्यात 10 गडी राखून पराभव स्वीकारावा लागला.

भारत विरुद्ध ऑस्ट्रेलिया वनडे मालिका

17 मार्च रोजी भारताने पहिला एकदिवसीय सामना जिंकला.

ऑस्ट्रेलियाने दुसरी वनडे 19 मार्च रोजी जिंकली.

तिसरी वनडे 22 मार्च चेन्नई-

एकदिवसीय मालिकेसाठी ऑस्ट्रेलिया संघ:

स्टीव्ह स्मिथ (कर्णधार), शॉन अ‍ॅबॉट, अ‍ॅश्टन आगर, अ‍ॅलेक्स कॅरी, नॅथन एलिस, कॅमेरॉन ग्रीन, ट्रॅव्हिस हेड, जोश इंग्लिस, मार्नस लॅबुशेन, मिचेल मार्श, ग्लेन मॅक्सवेल, मिचेल स्टार्क, मार्कस स्टॉइनिस, डेव्हिड वॉर्नर, अ‍ॅडम झाम्पा.

वनडे मालिकेसाठी टीम इंडिया:

रोहित शर्मा (कर्णधार), शुभमन गिल, विराट कोहली, श्रेयस अय्यर, सूर्यकुमार यादव, केएल राहुल, ईशान किशन (यष्टीरक्षक), हार्दिक पंड्या (उपकर्णधार), रवींद्र जडेजा, कुलदीप यादव, वॉशिंग्टन सुंदर, यजुवेंद्र चहल, मोहम्मद शमी, मोहम्मद सिराज, उमरान मलिक, शार्दुल ठाकूर, अक्षर पटेल, जयदेव उनाडकट.