IND vs AUS 3rd T20I Match: भारत आणि ऑस्ट्रेलिया यांच्यातील पाच सामन्यांच्या T20 मालिकेतील तिसरा सामना 28 नोव्हेंबर रोजी होणार आहे. गुवाहाटी येथील बारसापारा क्रिकेट स्टेडियमवर दोन्ही संघ आमनेसामने येतील. या मालिकेत टीम इंडिया सध्या 2-0 ने आघाडीवर आहे. अशा स्थितीत गुवाहाटीमध्ये ऑस्ट्रेलियाला हरवून मालिका जिंकण्यावर त्यांची नजर असेल.
दरम्यान, तिसऱ्या टी-20 सामन्यासाठी भारतीय संघ गुवाहाटीला पोहोचला आहे. भारतीय खेळाडू सोमवारी संध्याकाळी विमानतळावर दिसले, कर्णधार सूर्यकुमार यादव, तिलक वर्मा, प्रसिद्ध कृष्णा आणि ईशान किशन (Ishan Kishan) यांच्यासह प्रशिक्षक कर्मचारीही विमानतळावर दिसले.
बारसापारा क्रिकेट स्टेडियमवर आतापर्यंत फक्त तीन टी-20 आंतरराष्ट्रीय सामने खेळले गेले आहेत. त्याचवेळी, ऑस्ट्रेलिया इथे भारतविरुद्ध टी-20 आंतरराष्ट्रीय सामना खेळला आहे, ज्यामध्ये ऑस्ट्रेलियन संघाने 8 विकेट्सने विजय मिळवला होता. तर दुसरीकडे, टीम इंडियाने या मैदानावर 3 पैकी फक्त 1 सामना जिंकला आहे आणि एक अनिर्णित राहिला.
दरम्यान, या मालिकेतील पहिल्या सामन्यात टीम इंडियाने ऑस्ट्रेलियाचा 2 गडी राखून पराभव केला होता. या सामन्यात प्रथम फलंदाजी करताना ऑस्ट्रेलियाने 20 षटकात 3 गडी गमावून 208 धावा केल्या. टीम इंडियाने 1 चेंडू शिल्लक असताना हे लक्ष्य गाठले होते.
त्याचवेळी, दुसऱ्या टी-20 मध्ये टीम इंडियाने (Team India) ऑस्ट्रेलियाचा 44 धावांनी पराभव केला. या सामन्यात टीम इंडियाने प्रथम फलंदाजी करत 235 धावा केल्या होत्या. प्रत्युत्तरात ऑस्ट्रेलियन संघाला 20 षटकांत 9 गडी गमावून 191 धावा करता आल्या.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.