World Test Championship 2021 - 2023 Dainik Gomantak
क्रीडा

World Test Championship 2023: ठरलं तर! या दिवशी WTC फायनल होणार सुरु, ICC ची मोठी घोषणा

आयसीसीने टेस्ट चॅम्पियनशीप 2021-23 स्पर्धेच्या फायनल सामन्याच्या तारखेची घोषणा केली आहे.

Pranali Kodre

World Test Championship 2023: आयसीसीने बुधवारी (8 फेब्रुवारी) मोठी घोषणा केली आहे. आयसीसीने जागतिक कसोटी अजिंक्यपद 2021-23 स्पर्धेच्या अंतिम सामन्याची तारिख जाहीर केली आहे. यंदा 7 ते 11 जून 2023 दरम्यान अंतिम सामना पार पडणार आहे.

आयसीसीच्या जागतिक कसोटी अजिंक्यपद (World Test Championship) स्पर्धेचे हे दुसरे पर्व आहे. यापूर्वी 2021 मध्ये 18 ते 23 जून दरम्यान पहिल्या पर्वाचा अंतिम सामना पार पडला होता. त्यावेळी न्यूझीलंडने भारताला 8 विकेट्सने पराभूत करत कसोटीतील पहिला विश्वविजेता संघ होण्याचा मान मिळवला होता.

(ICC World Test Championship 2021-2023 Final dates announced)

त्यानंतर आता 2021 ते 2023 दरम्यान या स्पर्धेचे दुसरे पर्व खेळवण्यात येत आहे. या दुसऱ्या पर्वाचा अंतिम सामना इंग्लंडमधील लंडन शहरातील द ओव्हल मैदानावर 7 ते 11 जून 2023 दरम्यान खेळवण्यात येणार आहे. तसेच 12 जून हा अंतिम सामन्यासाठी राखीव दिवसही असेल, असेही आयसीसीने स्पष्ट केले आहे.

ही स्पर्धा 9 कसोटी संघात खेळवण्यात येते. या 9 संघांना या स्पर्धेअंतर्गत 2 वर्षांच्या कालावधीत 3 मायदेशात आणि 3 परदेशात कसोटी मालिका खेळायच्या असतात. त्यानुसार गुणतालिकेत अव्वल दोन क्रमांकावर राहणारे संघ अंतिम सामन्यासाठी पात्र ठरतात.

सध्या या स्पर्धेतील काही कसोटी मालिका अद्याप आगामी काळात खेळवल्या जाणार आहे. त्यानंतर अंतिम दोन संघ निश्चित होतील. बुधवारपासून (9 फेब्रुवारी) भारत विरुद्ध ऑस्ट्रेलिया संघात सुरु होणारी कसोटी मालिकादेखील कसोटी अजिंक्यपद स्पर्धेचा भाग आहे. त्यामुळे ही मालिका दोन्ही संघांसाठी अंतिम सामन्यात स्थान मिळवण्याच्या दृष्टीने महत्त्वाची आहे.

दरम्यान, ऑस्ट्रेलियाचे अंतिम सामन्यातील स्थान जवळपास पक्के आहे. त्यांचा संघ सध्या गुणतालिकेत 75.56 च्या विजयी टक्केवारीसह अव्वल क्रमांकावर आहे. तसेच दुसऱ्या क्रमांकावर भारतीय संघ असून त्यांची विजयाची टक्केवारी 58.93 टक्के आहे.

तसेच तिसऱ्या क्रमांकावर असलेल्या श्रीलंकेची विजयी टक्केवारी 53.33 आहे, तर चौथ्या क्रमांकावरील दक्षिण आफ्रिकेची 48.72 इतकी विजयी टक्केवारी आहे. दरम्यान, त्याखालोखाल इंग्लंड (46.97), वेस्ट इंडिज (40.91), पाकिस्तान (38.1), न्यूझीलंड (27.27) आणि बांगलादेश (11.11) हे संघ आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs ENG 4th Test: भारताच्या जिद्दीपुढे इंग्लंडचे ‘सरेंडर’! गिल, जडेजा अन् सुंदरच्या शतकांच्या जोरावर चौथा कसोटी सामना ड्रॉ

'Ayushman Card'च्या नियमात मोठा बदल, 'या' आजारांवर खाजगी रुग्णालयात मिळणार नाही मोफत उपचार

Viral Video: '...अन् हात-पाय हलवत राहिला', नाचता-नाचता रोबोटचा ‘तो’ थरारक क्षण, सोशल मीडियावर व्हिडिओ व्हायरल!

IND vs ENG 4th Test: वर्ल्ड टेस्ट चॅम्पियनशिपमध्ये घडला इतिहास! इंग्लंडने पटकावले पहिले स्थान; केला 'हा' नवा पराक्रम

‘बाबा, माझ्या भावाला ओरडू नका!’: 5 वर्षांची चिमुकली 3 वर्षांच्या भावासाठी बाबांसमोर ढाल बनून उभी राहिली; हृदयस्पर्शी Video Viral

SCROLL FOR NEXT