पणजी: राजधानी पणजीतील ला कॅम्पला कॉलनी परिसरात आज एका अज्ञात व्यक्तीचा मृतदेह आढळल्यानं खळबळ उडाली आहे. या घटनेची माहिती मिळताच पणजी पोलिसांनी तातडीने घटनास्थळी धाव घेतली असून पुढील तपास सुरू केला आहे.
कॉलनीतील रहिवाशांना एका ठिकाणी संशयास्पद अवस्थेत मृतदेह दिसून आला. स्थानिक नागरिकांनी तत्काळ याची माहिती पोलिसांना दिली. मृत व्यक्तीचे वय आणि ओळख अद्याप पटलेली नाही. हा मृत्यू नैसर्गिक कारणांमुळे झाला आहे की यामागे काही घातपात आहे, हे अद्याप स्पष्ट झालेले नाही.
घटनेची गांभीर्य लक्षात घेता पणजी पोलिसांचे पथक घटनास्थळी दाखल झाले आहे. पोलिसांनी परिसराचा पंचनामा केला असून मृतदेह उत्तरीय तपासणीसाठी गोवा वैद्यकीय महाविद्यालयात (GMC) पाठवण्यात आला आहे. या मृतदेहाची ओळख पटवण्यासाठी पोलीस आसपासच्या परिसरातील सीसीटीव्ही फुटेज तपासत असून, बेपत्ता व्यक्तींच्या नोंदीही तपासल्या जात आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.