ICC World Cup Qualifiers 2023 Zimbabwe won by 304 runs against USA:

वर्ल्डकप 2023 क्वालिफायर स्पर्धेत सोमवारी हरारेला झालेल्या सामन्यात झिम्बाब्वेने अमेरिकेला तब्बल 304 धावांनी पराभूत केले. याबरोबरत त्यांनी मोठ्या विक्रमाला गवसणी घातली आहे. तसेच या विजयाबरोबरच झिम्बाब्वेने ग्रुप ए मधील अव्वल स्थान पक्के केले आहे.

झिम्बाब्वेने 304 धावांनी मिळवलेला विजय हा वनडे क्रिकेट इतिहासातील दुसऱ्या क्रमांकाचा सर्वात मोठा विजय ठरला ठरला आहे. त्यामुळे भारतीय संघाला विक्रम मोडण्यापासून थोडक्यात बचावला.

वनडे क्रिकेटमध्ये धावांच्या बाबतीत सर्वात मोठा विजय मिळवण्याचा विक्रम भारताच्या नावावर आहे. भारताने याचवर्षी 15 जानेवारी रोजी श्रीलंकेविरुद्ध तिरुअनंतपुरम येथे श्रीलंकेविरुद्ध 317 धावांनी विजय मिळवला होता.

दरम्यान, झिम्बाब्वे हा भारतीय संघानंतरचा असा दुसराच संघ ठरला आहे, ज्यांनी 300 पेक्षा अधिक धावांनी वनडेत विजय मिळवला आहे.

वनडे क्रिकेटमध्ये धावांच्या बाबतीत सर्वात मोठा विजय

317 धावांनी विजय - भारत विरुद्ध श्रीलंका (15 जून 2023)

304 धावांनी विजय - झिम्बाब्वे विरुद्ध अमेरिका (26 जून 2023)

290 धावांनी विजय - न्यूझीलंड विरुद्ध आयर्लंड (1 जुलै 2008)

275 धावांनी विजय - ऑस्ट्रेलिया विरुद्ध अफगाणिस्तान (4 मार्च 2015)

272 धावांनी विजय - दक्षिण आफ्रिका विरुद्ध झिम्बाब्वे (22 ऑक्टोबर 2010)

झिम्बाब्वेचा विजय

या सामन्यात झिम्ब्बावेने प्रथम फलंदाजी करताना 50 षटकात 6 बाद 408 धावा केल्या होत्या. झिम्बाब्वेकडून कर्णधार सिन विलियम्सने 101 चेंडूत 174 धावांनी आक्रमक शतकी खेळी केली. तसेच जॉयलॉर्ड गुम्बीने 78 धावांची खेळी केली.

तसेच सिकंदर रझाने 48 धावांची, रायन बर्लने 47 धावांची आणि इनोसेंट कायाने 32 धावांची महत्त्वपूर्ण खेळी केली. अमेरिकेकडून अभिषेक परडकरने सर्वाधिक 3 विकेट्स घेतल्या. तसेच जेस्सी सिंगने 2 विकेट्स घेतल्या आणि नोस्तुश केन्जिगेने 1 विकेट घेतली.

त्यानंतर 409 धावांच्या आव्हानाचा पाठलाग करण्यासाठी उतरलेल्या अमेरिकेचा डाव 25.1 षटकातच 104 धावांवर संपुष्टात आला. अमेरिकेकडून अभिषेक परडकरने 24 धावांची खेळी केली. तसेच जेस्सी सिंगने 21 धावा केल्या, तर गजानंद सिंगने 13 धावांची खेळी केली. या तिघांव्यतिरिक्त कोणालाही दोन आकडी धावसंख्या पार करता आली नाही.

झिम्बाब्वेकडून रिचर्ड एनगरवा आणि सिकंदर रझा यांनी प्रत्येकी 2 विकेट्स घेतल्या. तसेच ब्रॅड इव्हान्स, ल्युक जोंग्वे आणि रायन बर्ल यांनी प्रत्येकी 1 विकेट घेतली.