ICC Women's T20 Rankings: आंतरराष्ट्रीय क्रिकेट परिषदेने (ICC) मंगळवारी जाहीर केलेल्या महिला T20 क्रमवारीत भारताच्या स्मृती मानधना आणि शेफाली वर्मा टॉप-5 मध्ये कायम आहेत. मानधना 681 रेटिंग गुणांसह चौथ्या तर शेफाली 679 रेटिंग गुणांसह पाचव्या क्रमांकावर आहे. मानधना आणि शेफाली व्यतिरिक्त एकही भारतीय फलंदाज टॉप 10 मध्ये नाही.
दरम्यान, ऑस्ट्रेलियाच्या (Australia) मेग लेनिंगने सहकारी बेथ मुनीला मागे टाकत नंबर वनची खुर्ची मिळवली. पाकिस्तान आणि आयर्लंडविरुद्ध चमकदार कामगिरी करणारी लेनिंग आता 731 रेटिंग गुणांसह जगातील नंबर वन टी-20 फलंदाज बनली आहे. मुनी आता दुसऱ्या क्रमांकावर आहे. लेनिंग आणि मुनी यांच्यात तीन अंकाचा फरक आहे. तिने आयर्लंडविरुद्ध दोन डावात 113 धावा केल्या होत्या. त्याच सामन्यात मुनीला केवळ नऊ धावा करता आल्या.
दुसरीकडे, ताहलिया मॅकग्राही ताज्या फलंदाजीच्या क्रमवारीत 13 व्या क्रमांकावर पोहोचली आहे. इंग्लंडविरुद्ध (England) निराशाजनक कामगिरी करुनही दक्षिण आफ्रिकेचे (South Africa) त्रिकुट लॉरा वोल्वार्ड (14वे), ऍनी बॉश (21वे) आणि तझमिन ब्रिट्स (24वे) यांनीही फलंदाजांच्या यादीत लक्षणीय प्रगती केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.