आयसीसीसी टी20 (ICC T20) क्रमवारीत श्रेयस अय्यरला मोठा फायदा झाला आहे. श्रीलंकेविरुद्धच्या तीन सामन्यांच्या टी-20 मालिकेत त्याने शानदार कामगिरीच्या जोरावर 27 स्थानांची झेप घेतली आहे. श्रेयस अय्यर (Shreyas Iyer) आता T20 क्रमवारीत 18 व्या क्रमांकाचा फलंदाज बनला आहे. दुसरीकडे मात्र टीम इंडियाचा (Team India) माजी कर्णधार विराट कोहली टॉप-10 रँकिंगमधून बाहेर पडला आहे. तो श्रीलंकेविरुद्धच्या (Sri Lanka) मालिकेचा भाग नव्हता. त्यामुळे त्याचे नुकसान झाले आहे. तो 10 व्या क्रमांकावरुन 15 व्या क्रमांकावर गेला आहे. T20 मालिकेत भारताने श्रीलंकेचा 3-0 ने पराभव केला. याचा खेळाडूंच्या क्रमवारीला चांगला फायदा झाला आहे. श्रेयस अय्यरने या मालिकेत 174 च्या स्ट्राईक रेटने 204 धावा केल्या. (Shreyas Iyer Has A Big Advantage In The ICC T20 Rankings)
दुसरीकडे, भुवनेश्वर कुमारने गोलंदाजांमध्ये तीन अंकानी झेप घेतली आहे. तो आता 17 व्या क्रमांकावर पोहोचला आहे. भारताविरुद्धच्या मालिकेत श्रीलंकेच्या पथुम निसांकाने 75 धावा केल्या होत्या. यामुळे तो सहा स्थानांनी वर येऊन नवव्या क्रमांकावर पोहोचला आहे. तर संयुक्त अरब अमिरातीचा (UAE) मोहम्मद वसीमने देखील T20 आंतरराष्ट्रीय क्रिकेटमध्ये क्रमवारीत पहिल्या 20 मध्ये पोहोचलेल्या खेळाडूंमध्ये होता. आयसीसी पुरुष T20 विश्वचषक पात्रता A च्या अंतिम सामन्यात आयर्लंडविरुद्ध नाबाद शतकाने त्याला 12 व्या स्थानावर पोहोचण्यास मदत केली. यूएईच्या एकूण फलंदाजामधील ही सर्वोत्तम क्रमवारी आहे. त्याच्या आधी शैमन अन्वर 2017 मध्ये 13 व्या स्थान गाठले होते.
तसेच, श्रीलंकेच्या लाहिरु कुमाराने प्रथमच पहिल्या 40 गोलंदाजांमध्ये स्थान मिळवले आहे. यूएईचा गोलंदाज झहरु खान 17 स्थानांनी झेप घेत 42 व्या तर आयर्लंडचा जोश लिटलने 27 अंकानी झेप घेऊन संयुक्त 49 व्या स्थानावर पोहोचला आहे. रोहन मुस्तफा अष्टपैलू रँकिंगमध्ये सहाव्या स्थानावर पोहोचला आहे. फेब्रुवारी 2020 मधील पाचव्या क्रमांकाच्या त्याच्या सर्वोत्तम रँकिंगपेक्षा फक्त एक स्थानाने घसरण झाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
