IPL 2023: आयपीएल 2023 मधील 65 वा सामना सनरायझर्स हैदराबाद आणि रॉयल चॅलेंजर्स बंगळुरु यांच्यात खेळला जात आहे. या संपूर्ण मोसमात सनरायझर्स हैदराबाद संघाची कामगिरी खराब राहिली आहे.

मात्र या हंगामात सनरायझर्सकडून आपल्या बॅटने जलवा दाखवणारा एकमेव खेळाडू म्हणजे हेन्रिक क्लासेन. रॉयल चॅलेंजर्स बंगळुरुविरुद्ध त्याने मोसमातील 65 व्या सामन्यात शानदार शतक झळकावले.

या खेळीत त्याने 8 चौकार आणि 6 षटकार मारले. आयपीएल 2023 मधील हे सातवे शतक आहे. जर या मोसमातील शतकांबद्दल बोलायचे झाल्यास, तर हा हंगाम आतापर्यंतचा दुसरा सर्वाधिक शतके करणारा हंगाम ठरला आहे.

दरम्यान, आयपीएल 2023 मध्ये शतक झळकावणारा हेन्रिक क्लासेन हा 7वा आणि त्याच मोसमात सनरायझर्स हैदराबादसाठी शतक झळकावणारा दुसरा फलंदाज ठरला.

एवढेच नाही तर डेव्हिड वॉर्नर, जॉनी बेअरस्टो आणि हॅरी ब्रूक यांच्यानंतर सनरायझर्स हैदराबादचा तो चौथा फलंदाज ठरला.

या हंगामात त्याचा संघ काही करु शकला नसला तरी या हंगामात संघासाठी 400 हून अधिक धावा करणारा तो एकमेव खेळाडू ठरला.

सात वर्षांनी आयपीएलमध्ये हे घडलं

आयपीएलच्या (IPL) एका मोसमात सर्वाधिक 8 शतकांचा विक्रम आहे. मात्र या मोसमात केवळ 9 सामने शिल्लक असताना संयुक्तपणे सर्वाधिक शतके करणारा दुसरा हंगाम ठरला आहे.

यापूर्वी 2016 मध्ये एका मोसमात सात शतके झळकावली होती. म्हणजेच सात वर्षांनंतर पुन्हा एकदा एका मोसमात सात शतके झळकावली आहेत.

त्याचवेळी, शेवटचा हंगाम म्हणजे 2022 हा या यादीत शीर्षस्थानी आहे, जेव्हा त्या हंगामात आठ शतके पाहिली गेली होती.

हेन्रिक क्लासेनच्या आधी या खेळाडूंनी या मोसमात शतक ठोकले

101- शुभमन गिल (Shubman Gill) (GT)

124- यशस्वी जैस्वाल (आरआर)

103*- सूर्यकुमार यादव (MI)

104- हेन्रिक क्लासेन (SRH)

104- व्यंकटेश अय्यर (KKR)

103- प्रभसिमरन (PBKS)

100*- हॅरी ब्रूक (SRH)