जीवनात शारिरीक समतोल राखण्यासाठी (Maintaining Body Balance) खेळाची नितांत आवश्यकता आहे. बॅटमिंटन (Badminton) सारखा खेळ कुठल्याही वयाच्या तंदुरुस्त व्यक्तीला शरीराचे मांसल  संतुलन आणी शरीराचा पिळदारपणा (Flexible Body) राखण्यासाठी सतत मदत करत असतो. एकेकाळी बेडमिंटन खेळात राज्यस्तरीय खेळाडू निर्माण करणार्या शिवोलीत (Siolim) मध्यंतरीच्या काळात गडप झालेल्या या खेळाला उर्जितावस्था देण्यासाठी  समर्थन संघटणेच्या सहकार्याने स्थानिक स्वामी समर्थ मठाच्या आवारात बॅटमिंटन कोर्टची (Badminton Court) स्थापना करण्यात येत असून  येथील मैदान दिवसभर सर्वासाठी खुले राहाणार असल्याचे मठाचे अध्यक्ष निलेश वेर्णेकर यांनी सांगितले.

यावेळी व्यासपीठावर जुने बॅटमिंटनपटु सर्वश्री दयानंद नायक, कालीदास गोवेकर, किशोर गोवेकर, उमाकांत चोडणकर, तसेच समर्थन संघटणेचे सचीव यदुवीर सिमेपुरुषकर आणी मठाचे सल्लागार संदीप वेर्णेकर उपस्थित होते. यावेळी, पंचक्रोशीतील गोर गरीब जनतेला नागपंचमी सणाच्या पुर्वसंध्येला आवश्यक कडधान्याचे मोफत वाटप समर्थन संघटनेच्यावतीने करण्यात आले. दरम्यान, यावेळी शिवोली पंचक्रोशीतील जुन्या बॅटमिंटनपटू दयानंद नायक, किशोर गोवेकर तसेच उमाकांत चोडणकर यांनी शिवोलीत नव्याने होऊं घातलेल्या बेडमिंटन कोर्टबद्दल समाधान व्यक्त करतांनाच स्वामी समर्थ मठाच्या आवारात ही सोय सर्वासाठीच मोफत उपलब्ध करून दिल्याबद्दल स्थानिक समर्थन संघटणेचे आभार मानले. कार्यक्रमाचे सुत्रसंचालन सुदेश किनळेकर यांनी तर आभार प्रदर्शन यदुवीर सिमेपुरुषकर यांनी केले.