भारत विरुद्ध इंग्लंड संघात सध्या पाच सामन्यांची कसोटी मालिका सुरू आहे. या मालिकेतील चौथ्या सामन्याला शुक्रवारपासून (23 फेब्रुवारी) रांचीमध्ये सुरुवात होणार आहे. या सामन्यासाठी एक दिवसआधीच इंग्लंडने प्लेइंग इलेव्हनची घोषणा केली आहे.
चौथ्या कसोटीसाठी निवडलेल्या प्लेइंग इलेव्हनमध्ये शोएब बशीर आणि ऑली रॉबिन्सन यांचे पुनरागमन झाले आहे. त्यांना मार्क वूड आणि रेहान अहमद यांच्या जागेवर प्लेइंग इलेव्हनमध्ये संधी देण्यात आली आहे.
मार्क वूड आणि रेहान अहमद यांची फारशी चांगली कामगिरी झालेली नाही. दरम्यान, अष्टपैलू रॉबिन्सनचे 7 महिन्यांनंतर इंग्लंडच्या प्लेइंग इलेव्हनमध्ये पुनरागमन झाले आहे. त्याने अखेरचा कसोटी सामना जुलै 2023 मध्ये खेळला होता.
त्याचबरोबर बशीरने विशाखापट्टणमला झालेल्या भारताविरुद्धच्या दुसऱ्या कसोटीतून पदार्पण केले होते. मात्र, तिसऱ्या सामन्यातून त्याला वगळण्यात आले होते, आता पुन्हा त्याला प्लेइंग इलेव्हनमध्ये संधी दिली आहे.
झॅक क्रावली, बेन डकेट, ऑली पॉप, जो रुट, जॉनी बेअरस्टो, बेन स्टोक्स (कर्णधार), बेन फोक्स, टॉम हर्टली, ऑली रॉबिन्सन, जेम्स अँडरसन, शोएब बशीर
सध्या या मालिकेतील तीन सामने पूर्ण झाले आहेत. या मालिकेतील पहिला सामना जिंकून इंग्लंडने आघाडी घेतली होती. मात्र नंतर भारतीय संघाने दमदार पुनरागमन करत दुसरा आणि तिसरा कसोटी सामना जिंकला. त्यामुळे सध्या तीन सामन्यांनंतर भारताने 2-1 अशी आघाडी या मालिकेत घेतली आहे.
त्याचमुळे जर रांची कसोटी जिंकून भारताला मालिका खिशात घालण्याची संधी आहे. तसेच इंग्लंड संघही मालिकेत आव्हान राखण्यासाठी या सामन्यात विजय मिळवण्याच्या हेतूने उतरेल. जर इंग्लंडने रांची कसोटी जिंकली, तर मालिकेत 2-2 अशी बरोबरी होईल आणि नंतर धरमशाला येथे होणारा पाचवा कसोटी सामना निर्णायक ठरेल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.