England all-rounder Moeen Ali has come out of retirement: इंग्लंडचा दिग्गज अष्टपैलू क्रिकेटपटू मोईन अलीने कसोटी क्रिकेटमधील निवृत्तीतून माघार घेतली आहे. त्यामुळे आता तो पुन्हा इंग्लंड कसोटी संघाचे प्रतिनिधित्व करण्यास सज्ज आहे.
मोईन अलीची निवड 16 जूनपासून ऑस्ट्रेलियाविरुद्ध सुरु होणाऱ्या ऍशेस मालिकेतील पहिल्या दोन सामन्यांसाठी इंग्लंड संघात करण्यात आली आहे. त्याला दुखापतग्रस्त जॅक लीच ऐवजी संघात स्थान देण्यात आले आहे.
मोईनने 2021 मध्ये कसोटी क्रिकेटमधून निवृत्ती घेतली होती. पण लीच ऍशेस मालिकेतून बाहेर झाल्यानंतर इंग्लंडचा कसोटी कर्णधार बेन स्टोक्स, प्रशिक्षक ब्रेंडन मॅक्युलम, इंग्लंड पुरुष क्रिकेटचे व्यवस्थापकीय संचालक रॉब की यांनी मोईनशी चर्चा केली होती. या चर्चेनंतर त्याने कसोटी निवृत्तीतून माघार घेण्याचा निर्णय घेतला.
मोईन अलीने त्याच्या कारकिर्दीत आत्तापर्यंत 64 कसोटी सामने खेळले असून 195 विकेट्स घेतल्या आहेत आणि 2914 धावा केल्या आहेत.
बेन स्टोक्स (कर्णधार), ऑली पोप, जॉनी बेअरस्टो (यष्टीरक्षक), जो रुट, जेम्स अँडरसन, स्टुअर्ट ब्रॉड, हॅरी ब्रुक, मोईन अली, बेन डकेट, झॅक क्रावली, मॅथ्यू पॉट्स, ऑली रॉबिन्सन, डॅन लॉरेन्स, ख्रिस वोक्स, मार्क वूड, जोश टंग.
16 - 20 जून - पहिली कसोटी - एजबस्टन
28 जून - 2 जुलै - दुसरी कसोटी - लॉर्ड्स
6 - 10 जुलै - तिसरी कसोटी - हेडिंग्ले
19 - 23 जुलै - चौथी कसोटी - ओल्ड ट्रॅफोर्ड
27 - 31 जुलै - पाचवी कसोटी - द ओव्हल
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.