Emerging Teams Asia Cup 2023 Final: कोलंबो येथे खेळल्या जात असलेल्या इमर्जिंग आशिया कप 2023 च्या अंतिम सामन्यात भारत A आणि पाकिस्तान A संघ आमनेसामने आहेत. प्रथम फलंदाजी करताना पाकिस्तानने 50 षटकांत 352 धावा केल्या.

आता भारताला हा सामना जिंकायचा असेल तर निर्धारित 50 षटकांत 353 धावा काढाव्या लागतील. या सामन्यात पाकिस्तानने पहिल्या षटकापासून आक्रमक सुरुवात केली.

तय्यब ताहिरचे झंझावाती शतक

पाकिस्तानकडून (Pakistan) सलामीवीर सॅम अयुबने 59 आणि शाहिबजादा फरहानने 65 धावा केल्या. यानंतर चौथ्या क्रमांकावर फलंदाजी करणाऱ्या तय्यब ताहिरने 71 चेंडूत 108 धावांची तूफानी खेळी खेळली. त्याने 12 चौकार आणि 4 षटकार मारले. ताहिरच्या शतकाच्या जोरावर पाकिस्तान संघाने 353 धावांचे लक्ष्य ठेवले आहे.

भारताकडून रियान-हंगारगेकर यांनी 2-2 बळी घेतले

दुसरीकडे, टीम इंडियाकडून (Team India) रियान परागने 4 षटकात 24 धावा देत 2 बळी घेतले. त्याचबरोबर, हंगारगेकरनेही 6 षटकात 48 धावा देत 2 बळी घेतले.

दोन्ही संघांची प्लेइंग 11

भारत A (प्लेइंग इलेव्हन): साई सुदर्शन, अभिषेक शर्मा, निकिन जोस, यश धुल (क), रियान पराग, निशांत सिंधू, ध्रुव जुरेल (वा.), मानव सुथार, हर्षित राणा, आरएस हंगारगेकर, युवराज सिंग डोडिया

पाकिस्तान A (प्लेइंग इलेव्हन): सईम अयुब, साहिबजादा फरहान, ओमेर युसूफ, तैब ताहिर, कासिम अक्रम, मोहम्मद हारिस (विकेटकीपर), मुबासिर खान, मेहरान मुमताज, मोहम्मद वसीम जूनियर, अर्शद इक्बाल, सुफियान मुकीम.