Morocco vs Croatia Match Tied: फिफा वर्ल्डकप स्पर्धेत बुधवारी ग्रुप एफ मधील क्रोएशिया विरूद्ध मोरक्को सामना अनिर्णित ठरला. पुर्णवेळेत आणि भरपाई वेळेत दोन्ही संघांना एकही गोल करता आला नाही. विशेष म्हणजे क्रोएशिया हा गत फिफा वर्ल्डकपमधील उपविजेता संघ आहे.

(FIFA World Cup 2022)

क्रोएशियाने गोलसाठी बरेच प्रयत्न केला, पण त्यांची गोलची पाटी कोरीच राहिली. दुसरीकडे मोरक्कोचा गेम क्रोएशियाच्या तुलनेत कमी सरस होता. या वर्ल्डकपमधील हा तिसरा सामना आहे जो अनिर्णित राहिला आहे. यापुर्वी पोलंड विरूद्ध मेक्सिको आणि डेन्मार्क विरूद्ध ट्युनिशिया हे सामनेही अनिर्णित राहिले आहेत.

या सामन्यात चेंडुवर बहुतांशवेळी क्रोएशियानेच नियंत्रण राखले. भरपाई वेळेतही दोन्ही संघांनी गोलसाठी खूप प्रयत्न केले. दोन्ही संघांचे पासेस अचूक होते. पण पासेसचे रूपांतर गोलमध्ये करण्यात त्यांना यश आले नाही. मोरक्कोच्या एका खेळाडुला धसमुसळ्या खेळाबद्दल यलो कार्ड दाखविण्यात आले.