DC vs MI: मुंबई इंडियन्सने गुरुवारी येथे दिल्ली कॅपिटल्सचा आठ गडी राखून पराभव करुन महिला प्रीमियर लीग (WPL) T20 क्रिकेट स्पर्धेत सलग तिसरा विजय नोंदवला.

प्रथम फलंदाजी करताना दिल्लीचा संघ 18 षटकांत 105 धावांवर गारद झाला. मुंबईने 15 षटकांत 2 बाद 109 धावा करुन लक्ष्य सहज गाठले.

मुंबई इंडियन्सच्या गोलंदाजांनी उत्कृष्ट गोलंदाजी करताना गुरुवारी येथे महिला प्रीमियर लीग (WPL 2023) T20 क्रिकेट स्पर्धेच्या सामन्यात दिल्ली कॅपिटल्सला 18 षटकांत 105 धावांत गारद केले.

दरम्यान, मुंबईच्या गोलंदाजांनी सुरुवातीपासून शेवटपर्यंत वर्चस्व राखले. त्यांच्याकडून डावखुरी फिरकीपटू सायका इशाक (13 धावांत 3 बळी), तर इस्सी वोंग (10 धावांत 3 बळी) आणि ऑफस्पिनर हेली मॅथ्यूज (19 धावांत 3 बळी) यांनी तीन बळी घेतले.

दुसरीकडे, नाणेफेक जिंकून फलंदाजीचा निर्णय घेतलेल्या दिल्ली संघाची सुरुवात चांगली झाली नाही. संघाने पॉवरप्लेच्या सहा षटकांत केवळ 29 धावा केल्या आणि त्यादरम्यान शफाली वर्मा (Shafali Verma) (2) आणि एलिस कॅप्सी (6) यांच्या विकेट्स गमावल्या. मारिजन कॅप (2) ही येताच पॅव्हेलियनमध्ये परतली, त्यामुळे धावसंख्या तीन गडी बाद 31 अशी झाली.

तसेच, जेमिमाह रॉड्रिग्जने नेट स्कायव्हर ब्रंटच्या चेंडूवर तीन चौकार मारुन धावसंख्येला काहीशी गती दिली, तर लॅनिंगने अमेलिया केरला सलग तीन चौकार मारले. यानंतर दिल्लीने (Delhi) नऊ चेंडू आणि तीन धावांत चार विकेट गमावल्या. मात्र, शेवटी सायका इशाकने या दोघींमधील 50 धावांची भागीदारी संपुष्टात आणली.