स्टार फुटबॉलपटू ख्रिस्तियानो रोनाल्डोवर आणखी एक संकट ओढवले आहे. सुटी एंजॉय करण्यासाठी माजोर्का येथे आलेला दिग्गज फुटबॉलपटू ख्रिस्तियानो रोनाल्डोच्या 16 कोटी रुपयांच्या बुगाटी वाहनाला अपघात झाला. अपघातात कारचा पूर्ण चुराडा झाला मात्र सुदैवाने कोणीही जखमी झाले नाही. अपघाताच्या वेळी गाडीत रोनाल्डोचा एकच अंगरक्षक उपस्थित होता.

क्रिस्टियानो रोनाल्डो मँचेस्टर खराब हंगामानंतर वातावरण बदलासाठी सध्या देशाबाहेर आहे. तो आपल्या संपूर्ण कुटुंबासोबत मजोरका येथे वेळ घालवत आहे. त्याला आपली गाडी तिथे फिरण्यासाठी आणायची होती, जिचा अपघात झाला.

रोनाल्डोचा बॉडीगार्ड कार चालवत होता आणि अपघाताच्या वेळी कारमध्ये तो एकटाच होता. त्याचे नियंत्रण सुटले होते. कारच्या पुढील भागाचा चुराडा झाला. या अपघातात अन्य कोणत्याही वाहनाचा सहभाग नसल्याचे पोलिसांनी स्पष्ट केले. चालकाचे नियंत्रण सुटल्याने हा अपघात झाला. चालकानेच अपघाताची माहिती दिली

'कार भिंतीवर आदळली मात्र चालकाला दुखापत झाली नाही. अपघाताची संपूर्ण जबाबदारी चालकाने घेतली. ही कार रोनाल्डोच्या नावावर असून याच नावाने पोलिसांत या घटनेची नोंद करण्यात आली आहे. 2016 मध्ये युरो कप जिंकल्यानंतर रोनाल्डोने ही कार खरेदी केली होती.

बुगाटी हा रोनाल्डोच्या लक्झरी कार कलेक्शनचा एक भाग आहे. त्याच्या संग्रहात अॅस्टन मार्टिन, बेंटले आणि फेरारी मॉन्झा यांचाही समावेश आहे. त्याने काही काळापूर्वी त्याच्या विशेष संग्रहात 66 कोटी रुपयांची मर्यादित आवृत्ती बुगाटी समाविष्ट केली आहे.