ख्रिस्तियानो रोनाल्डो (Cristiano Ronaldo) येत्या काही दिवसात दुसऱ्या क्लबकडून खेळणार का अशी चर्चा होती बुधवारी मात्र रोनाल्डोने या गोष्टीवर मौन सोडले आणि मीडियाच्या कव्हरेजवर निराशा व्यक्त केली. रोनाल्डोला त्याच्या युवेंटस (Juventus) करारात एक वर्ष शिल्लक आहे पण पोर्तुगाल (Portugal) स्टार ट्यूरिन क्लबपासून दूर जाण्याच्या शोधात असल्याची चर्चा गेल्या काही दिवसापासून होती. (Cristiano Ronaldo finally breaks silence on his transfer rumours)

लिओनेल मेस्सी (Lionel Messi) याने एफ सी बार्सिलोना सोडल्यानंतर रोनाल्डो देखील आता युवेंटस क्लब सोडणार का अशी कुजबुज फुटबॉल फॅन्स मध्ये होती. काही वृत्तपत्रांनी या बातमीला दुजोरा देखील दिला होता. आता मात्र थेट रोनाल्डोने स्वतःच इंस्टाग्रामवर या चर्चेला पूर्णविराम दिला.

"जो कोणी मला ओळखतो त्याला माझं माझ्या कामावर किती लक्ष केंद्रित आहे याची जाणीव आहे. कमी बोलणे आणि अधिक कृती करणे. माझ्या कारकीर्दीच्या प्रारंभापासून हे माझे बोधवाक्य आहे. तथापि, अलीकडे जे काही सांगितले आणि लिहिले गेले आहे ते पाहता, माझ्याकडे माझे निश्चित स्थान आहे, असे रोनाल्डोने इन्स्टाग्राम पोस्टमध्ये म्हटले आहे. "मला अनेक वेगवेगळ्या लीगमधील अनेक क्लब बरोबर वारंवार जोडलेल्या बातम्या आणि कथा समोर येत आहेत, ज्याबद्दल कोणालाही चिंता नाही आणि कोणी सत्य शोधण्याचा प्रयत्न देखील करत नाहीत," अशी खंत रोनाल्डोने व्यक्त केली.

रोनाल्डो पुढे असं म्हणाला की "रिअल माद्रिद मधील माझी कथा लिहिली गेली आहे. ती रेकॉर्ड केली गेली आहे. शब्द, संख्येत, ट्रॉफी आणि शीर्षकामध्ये, रेकॉर्डमध्ये. मला माहित आहे की रिअल माद्रिदचे खरे चाहते माझ्या हृदयात कायम राहतील आणि त्यांच्या मनामध्ये माझे स्थान कायम राहील." रोनाल्डो आता मँचेस्टर सिटीकडून देखील खेळू शकतो अशी चर्चा सोशल मीडियावर रंगली होती. मात्र आता रोनाल्डोनेच या गोष्टीला असत्य मानले आहे.

यंदाच्या मोसमात युवेंटस ने मॅसिमिलियानो अलेग्रीला संघ प्रशिक्षकपदी निवडून दिले आहे. युवेंटस आपला पहिला सामना २२ ऑगस्टला उदिनीस विरुद्ध खेळेल.