पाकिस्तानचा कर्णधार बाबर आझम हा जगातील सर्वोत्तम फलंदाजांपैकी एक का मानला जातो, याचा खरा साक्षात्कार कराची कसोटीदरम्यान आला आहे. बाबरने कराची कसोटीच्या चौथ्या डावात अशी खेळी केली आहे, जी जागतिक क्रिकेटमध्ये कोणताही कर्णधार करु शकला नाही. बाबर आझम (Babar Azam) कर्णधार म्हणून चौथ्या डावात सर्वाधिक धावा करणारा कर्णधार ठरला आहे. (Babar Azam has broken Michael Atherton world record)

दरम्यान, बाबरने मायकल अथर्टनचा (Michael Atherton) विश्वविक्रम मोडला आहे. 185 धावांचा टप्पा पार करताच बाबर कसोटीच्या चौथ्या डावात सर्वाधिक धावा करणारा फलंदाज ठरला आहे. मायकेल आथर्टनने 1995 साली दक्षिण आफ्रिकेविरुद्ध (South Africa) चौथ्या डावात 185 धावा केल्या होत्या. आता बाबर आझमने हा विश्वविक्रम आपल्या नावावर केला आहे. बाबर आझम चौथ्या डावात सर्वाधिक वेळ क्रीजवर घालवणारा पाकिस्तानी फलंदाज बनला आहे. बाबरने 491 मिनिटे फलंदाजी केल्यानंतर हा विक्रम आपल्या नावावर केला.

तसेच, बाबरने दोन वर्षांनंतर कसोटी क्रिकेटमध्ये शतक झळकावले आहे. मात्र, 2020 पासून त्याने सर्वाधिक 50 धावांच्या खेळी खेळल्या आहेत.