पणजी : आशुतोष पेडणेकर याने ‘गद्रे’ गास्पार डायस खुल्या टेनिस स्पर्धेत विजयी आगेकूच राखताना एकेरी, तसेच दुहेरीतही पुढील फेरी गाठले. व्हेटरन्स गटात समीर काकोडकर यानेही पुढील फेरीत प्रवेश केला. स्पर्धा मिरामार येथे क्लब टेनिस द गास्पार डायस व कांपाल येथील पणजी जिमखान्याच्या टेनिस कोर्टवर खेळली जात आहे. (Ashutosh Pednekar made a winning start in the Gadre Gaspar Dias Open Tennis Tournament)

आशुतोषने 45 वर्षांवरील व्हेटरन गटात महंमद इलियास हुडली याला 6-1 फरकाने हरविले. दुहेरीत आशुतोषने राजेश डिसोझा याच्या साथीत सोमशेखर व सदानंद जोडीस 6-0 फरकाने पराजित केले. व्हेटरन्स गटातील 55 वर्षांवरील वयोगटात समीर काकोडकरने नरसिंह रेड्डी याला 6-3 फरकाने पराजित करून पुढील फेरी गाठली. नोएल नोरोन्हा व राजाराम कुंडईकर जोडीस दुहेरीत पुढे चाल मिळाली.

व्हेटरन्स गटातील 60 वर्षांवरील वयोगटातील पुरुष (Men) एकेरीत मनोज चंडीरामाणी याने रामास्वामी बाला याच्यावर 6-0 फरकाने, प्रेमसागर खुराना याने प्रमोद साळवी याच्यावर 6-3 फरकाने मात केली. दुहेरीत रामास्वामी व आर. एन. रमेश जोडीने भंवरलाल व प्रेमप्रकाश जोडीवर 6-1 फरकाने विजय नोंदविला.

इतर निकाल : दुहेरी : देवेंद्र होशिंग व जिजेश नायर वि. वि. समीर काकोडेकर व गिरिराज 6-4, सचिन दुकळे व केविन रिबेलो वि. वि. राजेश धादोती व कापसे 6-0, शीतल भोसले व पृथ्विराज इंगळे वि. वि. उमराणी व संदीप 6-2, प्रलय बक्षी व निकुंज गुप्ता वि. वि. हरीश व राजेश 6-4, विजय पत्की व राहुल सुवर्णा वि. वि. अनिल सिंग व रॉबर्ट डिसोझा 6-1, सचिन व सद्‍गुरू वि. वि. अमेय व भस्मे 6-3.

एकेरी : दिमित्री स्मिर्नोव वि. वि. गॉर्डन लुईस 6-0, कुसरो सादरी वि. वि. मनोज पांडे 6-2, यून जेओंग वि. वि. येनेपोया अजमल 6-2, मनोज पांडे वि. वि. अशोक कोळेकर 6-4, हिरेन भेडा वि. वि. वीरण्णा 7-3 (5)