Tennis Tournament dainik gomantak
क्रीडा

Tennis Tournament : अमन, अँड्र्यू, अश्विन उपउपांत्यपूर्व फेरीत

गोव्याच्या तेजस शेवडे, तसेच अनंत कोचर यांनीही चमकदार विजयाची नोंद

दैनिक गोमन्तक

पणजी : अमन शेट्टी, अँड्र्यू, अश्विन नरसिंघानी यांनी गद्रे गास्पार डायस खुल्या टेनिस स्पर्धेत पुरुष एकेरीत उपउपांत्यपूर्व फेरी गाठली. याशिवाय गोव्याच्या तेजस शेवडे, तसेच अनंत कोचर यांनीही चमकदार विजयाची नोंद केली. (Aman, Andrew, Ashwin reach semifinals of Gadre Gaspar Dias Open Tennis Tournament)

स्पर्धेतील सामने मिरामार (Miramar) येथील क्लब टेनिस द गास्पार डायस व कांपाल येथील पणजी जिमखान्याच्या टेनिस कोर्टवर खेळले जात आहेत. पुरुष (Men) एकेरीतील तिसऱ्या फेरीत अमनने काफिल कडवेकर याच्यावर ६-३ फरकाने मात केली. अँड्र्यू याला पुढील फेरीसाठी टायब्रेकरमध्ये अर्शद देसाई याच्यावर ७-६ (४) असा विजय नोंदवावा लागला. अश्विनने जोसेफ पोर्थर याला ६-२ फरकाने नमविले.

गतविजेत्या व्ही. प्रणीथ याने जस्सिन चत्ताराम याला ६-० फरकाने लीलया हरविले. चार वेळा ही स्पर्धा जिंकलेल्या गोव्याच्या गतउपविजेत्या तेजस शेवडे यानेही एकतर्फी विजयाची नोंद करताना हरकिरत सिंग याला ६-० फरकाने हरविले. तनय आमोणकर याने यश लिंगुडकर याला ६-० असे, तर अनंत कोचरने मनोज लोहिया याला ६-१ फरकाने पराजित केले.

पुरुष एकेरीतील अन्य लढतीत गोव्याच्या (Goa) समीर काकोडकरने जीतू मेलवानी याच्यावर ६-१ असा, वीर कोतवालने शरद मिश्रा याच्यावर ६-० असा, भालचंद्र याने प्रणब मेहरिशी याच्यावर ६-३ असा, तर रजत परमारने क्षितीज याच्यावर ६-१ असा विजय प्राप्त केला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

कुलगाममधील CRPF पथकावर हल्ला करणाऱ्या दहशतवाद्यांचा खात्मा; लष्कर-ए-तैयबाचा कमांडर लतीफ भटसह दोन दहशतवादी चकमकीत ढेर

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

SCROLL FOR NEXT