व्हिडिओ स्ट्रीमिंग प्लॅटफॉर्म YouTube त्याच्या क्रिएटर्ससाठी नवनवे फिचर लाँच करत असते. कंपनी भारतीय क्रिएटर्ससाठी YouTube स्टुडिओमध्ये एक नवीन टूल लाँच करत आहे. ज्यामुळे पॉडकास्टर्सना त्यांचे पॉडकास्ट YouTube आणि YouTube Music वर पब्लिश करणं सोपं होईल.

याव्यतिरिक्त, कंपनी भारतात YouTube ब्रँड कनेक्ट आणत आहे, ज्यामुळे क्रिएटर्संना त्यांच्या कटेंटवर कमाई करणे सोपे होईल.

क्रिएटर्स YouTube Music वर पॉडकास्टमधून कमाई करू शकतील

यूट्यूब म्युझिकवर पॉडकास्ट ऑन-डिमांड, ऑफलाइन आणि बॅकग्राउंड ऐकण्यासाठी उपलब्ध असतील असे कंपनीने म्हटले आहे. या नवीन टूलसह, भारतीय क्रिएटर्स प्लॅटफॉर्मवरील सब्सक्रिप्शन आणि जाहिरातींमधून अधिक कमाई करू शकतील. Google एप्रिल 2024 मध्ये Google Podcasts बंद करण्याची योजना आखत आहे. त्यामुळे ते YouTube Music ला पॉडकास्टसाठी पसंतीचे ठिकाण म्हणून प्रमोट करण्याच्या योजनेवर काम करत आहेत.

ब्रँड कनेक्ट निवडक लोकांसाठी उपलब्ध

ब्रँड कनेक्ट सध्या भारतातील निवडक क्रिएटर्स आणि जाहिरातदारांसाठी उपलब्ध आहे. हे फिचर ब्रँडना त्यांच्या ब्रँडेड टूल मोहिमा सुरळीतपणे चालवण्यासाठी क्रिएटर्स योग्य टीम शोधण्यात मदत करेल.

भारतात फॅन फंडिंग वाढत आहे. डिसेंबर 2022 मध्ये फॅन फंडिंग उत्पादनांमधून बहुतेक चॅनल कमावत आहेत. ते मागील वर्षाच्या तुलनेत 10 टक्क्यांहून अधिक वाढले आहेत.