डेंग्यु, मलेरिया डासांपासून होणारे आजार आहे. यामुळे शरिरारतील प्लेटलेट्स कमी होतात. यामुळे शरिरातील प्लेटलेट्स वाढवण्यासाठी कोणत्या पदार्थांचे सेवन करावे हे जाणून घेऊया.

• काळी मिरी

काळ्या मिरीमध्ये व्हिटॅमिन सी मुबलक प्रमाणात असते.आपल्या स्वयंपाक घरात देखील याचा वापर मोठ्या प्रमाणात केला जातो. याचे सेवन केल्याने रोगप्रतिकारशक्ती वाढण्यास मदत मिळते.

• आलं

आल्यामध्ये अनेक पोषक घटक असतात. यामुळे डेंग्यु,मलेरिया झालेल्या रूग्णाने याचे सेवन केल्यास प्लेटलेट्स वाढण्यास मदत मिळते. आल्याचा चहा, भाज्यांमध्ये टाकून तुम्ही सेवन करू शकता.

• डाळिंब

डाळिंबामध्ये व्हिटॅमिन सी, अँटिऑक्सिडंट्स आणि इथर पोषक घटक असतात. यामुळे शरिरातील प्लेटलेट्स वाढण्यास मदत मिळते. ज्या लोकांना डेंग्यु, मलेरिया आहे त्यांनी डाळिंब खावे.

• नारळ पाणी

नारळाचे पाणी पिणे त्वचेसह आरोग्यासाठी फायदेशीर असते. उन्हाळ्यात नारळाचे पाणी पिल्याने डिहायड्रेशन समस्या कमी होते. तसेच शरीरातील प्लेटलेट्स वाढण्यास मदत मिळते.

• मसूर

मसूर डाळीमध्ये प्रथिने, जीवनसत्त्वे आणि खनिजे मुबलक प्रमाणात असतात. यामुळे डेंग्यु, मलेरियाच्या रूग्णांनी या डाळीचे सेवन केल्यास प्लेटलेट्स वाढण्यास मदत मिळते.