महिला कुटुंबाचा आधारस्तंभ आहेत. एवढेच नाही तर आजच्या काळात महिला व्यावसायिक जीवनात कोणाच्याही मागे नसून प्रत्येक क्षेत्रात आपला झेंडा फडकवत आहेत. घरात आई-वडिलांची काळजी घेणे असो, पती आणि मुलांच्या गरजांची काळजी घेणे असो किंवा करिअरचे ध्येय गाठणे असो, ही सर्व कामे महिला अतिशय चोखपणे करतात.
पण या सगळ्यात कुठेतरी तिचं आरोग्याकडे दुर्लक्ष होतं. महिलांच्या शरीरात आवश्यक व्हिटॅमिन्स आणि खनिजांची कमतरता अनेकदा दिसून येते.
कारण महिला त्यांच्या खाण्या-पिण्याच्या सवयी आणि आरोग्याशी संबंधित लक्षणांकडे लक्ष देत नाहीत.
शरीरात आवश्यक व्हिटॅमिन्सच्या कमतरतेमुळे अनेक लक्षणे दिसू लागतात, ज्यांची वेळीच काळजी न घेतल्यास भविष्यात मोठी समस्या निर्माण होऊ शकते. आवश्यक व्हिटॅमिन्स आणि खनिजे वेळोवेळी तपासणे फार महत्वाचे आहे.
शरीरात त्यांच्या कमतरतेमुळे अनेक प्रकारच्या समस्या उद्भवू शकतात. डॉक्टरांचा सल्ला घेऊन महिलांनी व्हिटॅमिन्सची चाचणी करावी. यंदा महिला दिनानिमित्त तुम्ही व्हिटॅमिन्सची तपासणी करून वेगळ्या पद्धतीने हा दिवस साजरा करू शकता आणी त्याचे आरोग्य निरोगी ठेऊ शकता.
व्हिटॅमिन्सची कमतरता माहिती पडणे
व्हिटॅमिन टेस्टिंगमुळे शरीरातील व्हिटॅमिन्सची कमतरता योग्य वेळी ओळखता येते. व्हिटॅमिन डी, बी12 आणि सी च्या कमतरतेमुळे रोगप्रतिकारक शक्तीवर विपरित परिणाम होतो आणि अनेक प्रकारचे नुकसान होऊ शकते. त्यामुळे हे योग्य वेळी आढळून आल्यास त्यावर नियंत्रण मिळवता येते.
आहाराकडे लक्ष द्यावे
शरीरात कोणत्या व्हिटॅमिनची कमतरता आहे हे एकदा कळले की ते वाढवण्यासाठी तुम्ही तुमच्या आहाराकडे लक्ष देऊ शकता. उदाहरणार्थ, जर तुमच्या शरीरात व्हिटॅमिन बी 12 ची कमतरता असेल तर ती समस्या कमी करण्यासाठी तुमच्या आहारात व्हिटॅमिन बी 12 समृद्ध पदार्थांचा समावेश करावा. शरीरातील जीवनसत्त्वांची पातळी कमी झाल्यास डॉक्टरांचा सल्ला घ्यावा.
आजारांना ठेवते दूर
शरीरात व्हिटॅमिन्सच्या कमतरतेमुळे अनेक जीवघेणे आजारही होऊ शकतात. व्हिटॅमिनच्या कमतरतेमुळे हृदयरोग, मानसिक आरोग्य आणि पचन यांसह अनेक समस्या निर्माण होऊ शकतात. जर तुम्ही तुमच्या व्हिटॅमिनची दीर्घकाळ तपासणी केली नाही तर तुम्ही एखाद्या मोठ्या आजाराला बळी पडू शकता.
निरोगी राहण्यासाठी शरीरात व्हिटॅमिन्स, खनिजे आणि हार्मोन्सची योग्य पातळी असणे खूप महत्वाचे आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.