WhatsApp Video call Screen Sharing New Feature: व्हॉट्स अ‍ॅपमध्ये एक दमदार फिचर लाँच केले आहे. या फिचरद्वारे युजर्स व्हिडिओ कॉलिंगदरम्यान स्क्रिन शेअर करू शकणार आहेत. मेटाचे सीईओ झुकरबर्ग यांनी फेसबुकवर हे फिचर लाँच केले आहे.

मार्कने आपल्या पोस्टमध्ये लिहिले की 'आम्ही व्हिडिओ कॉल दरम्यान व्हॉट्स अ‍ॅप स्क्रिन शेअर करू शकता. खास म्हणजे चांगल्या स्क्रिन व्ह्युसाठी युजर्स लँडस्केप मोडमध्ये देखील व्हिडिओ कॉलिंग करू शकतात.

स्किन शेअर करण्यासाठी युजर्सला शेअर आयकॉनवर क्लिक करावे लागेल. येथे युजर्सला खास अ‍ॅप्लेकिशन मिळेल जे स्क्रिन शेअर करण्यासाटी मदत करेल.

कंपनीने या फिचरबद्दल बोलतांना सांगितले की, ऑफिसमधील डॉक्युमेंट शेअर करणे, कुटूंबासोबत फोटो ब्राउजर शेअर करणे, सुट्ट्यांचे प्लॅनिंग करणे, ऑनलाइन शॉपिंग करणे, या सारखी कामे या फिचरद्वारे करता येणार आहे.

अलिकडेच व्हॉट्अ‍ॅपने चॅट लाँक फिचर लाँच केले होते. या फिचरमध्ये युजर पर्सनल चॅट लॉक करू शकतो. या फीचरनंतर, फक्त तुम्ही तुमच्या चॅट्समध्ये प्रवेश करू शकाल. यासाठी तुम्हाला डिव्हाईस पिन किंवा बायोमेट्रिक्स लॉक वापरावे लागेल. 

हे फिचर फिंगरप्रिंट लॉक किंवा फेस लॉकसह देखील काम करते. म्हणजेच, जर तुम्ही चॅट लॉक केले असेल तर ते उघडण्यासाठी तुम्हाला पिन, फिंगरप्रिंट किंवा फेस लॉकचा वापर करावा लागेल. तुम्ही चॅट लॉक करताच, WhatsApp मधील मजकूर चॅट सूचनांमधून हाइड करते.

• हे फिचर कसे कार्य करते

व्हॉट्सअ‍ॅपचे हे फीचर वापरण्यासाठी तुम्हाला काही स्टेप्स फॉलो कराव्या लागतील. 

सर्वप्रथम तुम्हाला अ‍ॅपओपन करावे लागेल. 

यानंतर तुम्हाला कोणत्याही चॅटवर जावे लागेल.

वैयक्तिक किंवा ग्रुपच्या नावावर टॅप करावे लागेल. 

येथे तुम्हाला स्क्रोल करून खाली जावे लागेल जिथे तुम्हाला लॉक चॅटचा पर्याय मिळेल. 

आता तुम्हाला तुमचा पासवर्ड किंवा बायोमेट्रिक्स सत्यापित करावे लागतील. 

अशा प्रकारे तुम्ही कोणतीही चॅट लॉक करू शकता. 

हे फिचर सर्व युजर्ससाठी आणले गेले आहे. येत्या काही दिवसांत हे फीचर सर्व यूजर्ससाठी उपलब्ध होणार आहे. जर हे फीचर तुमच्या व्हॉट्सअ‍ॅपवर दिसत नसेल तर तुम्हाला अ‍ॅप अपडेट करावे लागेल.