Pink Eye Prevention Tips: गुलाबी डोळ्याची समस्या झपाट्याने वाढत आहे. डोळ्यांशी संबंधित या संसर्गाची प्रकरणे दिवसेंदिवस वाढत आहेत. तुमच्याही घरात गुलाबी डोळ्यांचे रुग्ण असतील तर तुम्ही काय कराल हा एक अतिशय गंभीर प्रश्न आहे. 

या आजारापासून दूर राहण्यासाठी काही नियमांचे पालन केरणे गरजेचे आहे. यासाठी कोणत्या गोष्टीं लक्षात ठेवाव्या हे जाणून घेऊया.

तुमच्या घरात कोणाचा डोळा गुलाबी असेल तर काय करावे?

• संसर्ग असलेल्या व्यक्तींच्या वस्तूंपासून दूर राहावे

जर तुमच्या घरात कोणाला गुलाबी डोळ्याचा त्रास होत असेल तर सर्वात पहिले त्याच्या वैयक्तिक गोष्टींपासून दूर राहावे. मग ती त्याची पाण्याची बाटली असो किंवा इअरफोन्स असो. कोणत्याही गोष्टीला स्पर्श करणे टाळावे.  जर तुम्ही चुकून एखाद्या गोष्टीला स्पर्श केला तर लगेच हात स्वच्छ धुवावे. यानंतरही डोळ्यांना स्पर्श करणे टाळा.

• संसर्ग असलेल्या व्यक्तींचा टॉवेल आणि सनग्लासेस वापराणे टाळावे

संक्रमित व्यक्तीचे टॉवेल आणि सनग्लासेस वापरणे हे सर्वात जास्त संसर्गजन्य असू शकतात आणि त्यांच्या संपर्कात येऊन तुम्ही देखील या आजाराचे बळी होऊ शकता. त्यामुळे टॉवेल आणि सनग्लासेसला स्पर्श करणे टाळा. फक्त स्वत:च्या वस्तु वापराव्या.

• सनग्लासेस वापरावे

तुमच्या घरातील कोणी सांसर्गिक असले तरी तुम्ही त्यांच्यासमोर सनग्लासेस लावून बसू शकता. यासाठी काळा चष्मा वापरणे योग्य राहते. यामुळे तुम्हाला कोणताही संसर्ग होणार नाही.

•  मेकअप करणे टाळावे

जर तुमचे डोळे आले असेल तर डोळ्यांचा मेकअप करणे टाळावे. कोणत्याही प्रकारचा मेकअप तुमच्या त्वचेला हानी पोहोचवू शकतो आणि त्याचा तुमच्या डोळ्यांवर गंभीर परिणाम होऊ शकतो. यामुळे संसर्ग आणखी वाईट होऊ शकतो. त्यामुळे जर तुमच्या घरात कोणाला ही समस्या असेल तर तुम्ही या गोष्टींची विशेष काळजी घ्यावी.

(Disclaimer - या लेखात देण्यात आलेली माहिती ही सर्वसामान्य ज्ञानावर आधारित असून अवलंब करण्यापूर्वी तज्ज्ञांचा सल्ला घ्यावा.)