Cervical Cancer: कॅन्सर ही सध्या वेगाने पसरणारी गंभीर समस्या बनत चालली आहे. खराब जीवनशैली आणि खाण्यापिण्याच्या बेफिकीरपणामुळे महिला सर्व्हायकल कॅन्सरसारख्या गंभीर समस्येला बळी पडत आहेत.

जगभरात अनेक महिला सर्व्हायकल कॅन्सरने ग्रस्त आहेत. अशा परिस्थितीत याबाबत जागरुक होणे गरजेचे आहे. सर्व्हायकल कॅन्सरविषयी जागरुकता निर्माण करण्याच्या उद्देशाने दरवर्षी जानेवारी हा महिना 'सर्व्हायकल कॅन्सर अव्हेरनेस मंथ' म्हणून साजरा केला जातो. चला तर मग वेगाने पसरत चाललेल्या या कॅन्सरविषयी सविस्तररित्या जाणून घेऊया...

पॅपिलोमा विषाणू

दरम्यान, सर्व्हायकल कॅन्सर हा पॅपिलोमा विषाणू (HPV) नावाच्या विषाणूच्या संसर्गामुळे होतो. जगभरातील सर्व्हायकलची 25 टक्के प्रकरणे आणि मृत्यू भारतात (India) होतात. अंदाजे दर 47 मिनिटांनी एका महिलेला सर्व्हायकल कॅन्सर झाल्याचे निदान होते आणि भारतात दर 8 मिनिटांनी एका महिलेचा मृत्यू होतो.

सर्व्हायकल कॅन्सरची कारणे

ह्यूमन पॅपिलोमा व्हायरस

आनुवंशिकता

धूम्रपान

स्वच्छतेचा अभाव

कुपोषण

असुरक्षित लैंगिक संबंध

प्रारंभिक संकेत

वारंवार लघवी लागणे

छातीत जळजळ होणे

मासिक पाळी अनियमित येणे

भूक न लागणे किंवा खूप कमी खाणे

खूप थकल्यासारखे वाटणे

वारंवार सौम्य ताप आणि सुस्ती

लैंगिक संभोगानंतर रक्तस्त्राव

मासिक पाळीदरम्यान जास्त रक्तस्त्राव

सर्व्हायकल कॅन्सर कसा टाळावा

सर्व्हायकल कॅन्सरचा प्रतिबंध किशोरावस्थेतच सुरु होतो. महिलांमध्ये हा संसर्ग रोखण्यासाठी एचपीव्ही लस खूप उपयुक्त ठरते. याशिवाय, नियमित स्मीअर चाचण्यांद्वारेही हा गंभीर आजार टाळता येतो. तसेच, योग्य वेळी लसीकरण (Vaccination) आणि निरोगी जीवनशैली देखील हा संसर्ग रोखण्यासाठी उपयुक्त आहे. या सर्वांशिवाय, तुम्ही इतर काही गोष्टींद्वारे देखील या गंभीर समस्येपासून स्वतःला वाचवू शकता.

धूम्रपानापासून दूर राहणे

निरोगी आहार घेणे

सुरक्षित लैंगिक संबंध

वैयक्तिक स्वच्छतेची काळजी

एचपीव्ही विषाणूविरुद्ध लसीकरण