Vitamin B12 and Depression: शरिरामध्ये व्हिटॅमिन बी 12 ची कमतरता असेल तर अनेक समस्यांना सामोरे जावे लागू शकते.

एका अभ्यासामध्ये असे दिसून आले की ज्या लोकांमध्ये या व्हिटॅमिनची कमतरता आहे त्यांना डिप्रेशन, अशक्तपणा, कमजोर हाडे यासारख्या समस्यांना सामोरे जावे लागले होते.

पण तुम्हाला माहिती आहे का हे व्हिटॅमिन पाण्यात विरघळणारे असून संपुर्ण शरिरात पसरते. हे व्हिटॅमिन शरीरात ४ वर्षांपर्यंत साठवून ठेवता येते.

ज्या लोकांमध्ये या व्हिटॅमिनची कमतरता जाणवते तेव्हा डॉक्टर व्हिटॅमिन बी 12 सप्लिमेंट्स लिहून देतात. चला तर मग जाणून घेऊया या व्हिटॅमिनचे फायदे कोणते आहेत.

• डिप्रेशनक कमी होते

B12 व्हिटॅमिनच्या कमतरतेमुळे लोकांना डिप्रेशनला सामोरे जावे लागते. या व्हिटॅमिनची कमतरता भरून काढण्यासाठी डॉक्टर व्हिटॅमिन बी 12 सप्लिमेंट्सचा वापर करावा.

व्हिटॅमिन बी 12 ची कमतरता असलेल्या आणि मुड डिसऑर्डर आणि डिप्रेशन ग्रस्त असलेल्या लोकांच्या बाबतीत बी 12 चे फायदे सांगितले आहेत.

• मॅक्युलर डिजनरेशन

B12 व्हिटॅमिनचा वापर केल्याने 40 वर्षांपेक्षा जास्त वयाच्या महिलांमध्ये मॅक्लुलर डिजनरेशनची समस्या कमी जाणवते.

तसेच एका अभ्यासानुसार असे दिसून आले की डोळ्यांचे आजार देखील B12 व्हिटॅमिनचे योग्य प्रमाण असेल तर कमी होते.

• हाडांचे आरोग्य

B12 व्हिटॅमिनचे शरिरात पुरेश्या प्रमाणात असल्यास हाडे मजबुत राहतात.अभ्यासात असे दिसून आले की ज्या लोकांमध्ये या व्हिटॅमिनची कमतरता होती त्यांच्यामध्ये हाडांचे आरोग्य सामान्यपेक्षा कमकुवत होते.

पोषक घटकांच्या कमतरतेमुळे हाडे ठिसुळ होऊ शकतात. यामुळे आहारात मासे, अंडी या पदार्थांचा समावेश करावा.

• गर्भधारणेसाठी गरजेचे

महिलांमध्ये या व्हिटॅमिनची कमतरता अधिक जाणवते. यामुळे महिलांनी पोषक आहार घेण्यावर भर द्यावा.

अभ्यासामध्ये असे दिसून आले की गर्भाच्या विकासासाठी आणि आईच्या आरोग्यासाठी पुरेसे व्हिटॅमिन असणे गरजेचे आहे. अन्यथा गर्भपात किंवा बाळाचा जन्म लवकर होऊ शकतो.

• अशक्तपणा

ज्या लोकांमध्ये बी १२व्हिटॅमिन भरपुर असते त्या लोकांना अशक्तपणा जाणवत नाही. संशोधनानुसार ज्या लोकांमध्ये या व्हिटॅमिनचे पुरेसे प्रमाण आहे त्यांना थकवा किंवा अशक्तपणा जास्त जाणवत नाही.

यामुळे शरिरात या व्हिटॅमिनचे पुरेसे प्रमाण असणे गरजेचे आहे. यासाठी सुकामेवा, मासे, अंडी या पदार्थांचे सेवन करावे.