Tricolor Pasta Recipe: यंदाच्या स्वातंत्र्यदिनाला आपल्या लहान मुलांना काहीतरी चमचमीत खायला द्यायच असेल तर हा लेख खास तुमच्यासाठी. पास्ता कुणाला आवडत नाही? लहान मुलांची तर ही आवडती डिश आहे. चला तर मग आज बनवूया तिरंगी पास्ता. शेवटपर्यंत रेसीपी नक्की वाचा.

साहित्य

• 2 कप पास्ता

• 3 चमचे मैदा

• 5 चमचे दूध

• 1/2 कप तेल

• चवीनुसार मीठ

• बटर

• 1 टीस्पून चिलीफ्लेक्स

• 1-2 सिमला मिरची

• 2 टोमॅटो

• पास्ता मसाला

• 1 टीस्पून जिरे

• फूड कलर हिरवा आणि केशर)

• 1 किसलेले गाजर

• चिली सॉस

• 1 कांदा

• 4-5 लसूण पाकळ्या

कृती

1. प्रथम पास्ता उकडून घ्या. त्यात एक चमचा तेल घाला. पास्ता उकडला की चाळणीत गाळून घ्या. आणि त्याचे तीन भाग करा.

2. पांढरा पास्ता बनवण्यासाठी पॅन घ्या. त्यात बटर टाका, नंतर त्यात थोडे जिरे टाका आणि बारीक चिरलेला लसूण टाका आणि तळून घ्या. जिरे आणि लसूण तडतडल्यावर त्यात 2 चमचे मैदा घालून भाजून घ्या. थोडं तळून झाल्यावर त्यात सर्व दूध घालून चांगलं शिजवून घ्या, नंतर त्यात पास्ता टाका. काही चिली फ्लेक्स आणि मीठ आणि थोडा पास्ता मसाला घाला. नीट मिक्स करून एका भांड्यात काढा.

3. आता हिरवा पास्ता बनवण्यासाठी प्रथम एका कढईत कांदा आणि जिरे परतवून घ्या, नंतर बारीक चिरलेली सिमला मिरची घाला, थोडे शिजवा, नंतर पास्ता मसाला आणि पास्ता घाला, थोडा चिली सॉस घाला आणि चवीनुसार मीठ घाला. वर थोडा हिरवा फूड कलर घाला. ते मिक्स करून एका भांड्यात काढा.

4. आता केशरी रंगाचा पास्ता बनवण्यासाठी कढईत थोडे तेल टाका. नंतर त्यात कांदा आणि जिरे टाका. नंतर त्यात गाजर आणि टोमॅटो टाका आणि थोडा वेळ शिजू द्या. शिजल्यावर पास्ता घाला आणि टोमॅटो सॉस, पास्ता मसाला, मीठ आणि केशरी फूड कलर घाला आणि चांगले मिसळा.

अशाप्रकारे तयार आहे तीन फ्लेवर्स असलेला तिरंगा पास्ता. तुम्ही तुमच्या चवीनुसार कमी-जास्त भाज्या घालू शकता. तिरंगा पास्ता खा आणि तिरंग्याचा आनंद घ्या.