Travelling In Pregnancy Dainik Gomantak
लाइफस्टाइल

Travelling In Pregnancy: सणासुदीच्या काळात गरोदर महिलांनी प्रवास करताना घ्यावी अशी काळजी

सण-उत्सवात प्रत्येकाला आपापल्या घरी जायचे असते. गर्भधारणेदरम्यान प्रवास करताना कोणत्या गोष्टी लक्षात ठेवल्या पाहिजेत हे जाणून घेऊया.

Puja Bonkile

Travelling In Pregnancy: गर्भधारणा ही कोणत्याही स्त्रीच्या आयुष्यातील सर्वात सुंदर भावना असते. गरोदरपणात जन्मलेल्या बाळांना इजा होणार नाही याची काळजी प्रत्येक आई घेत असते. प्रवास करताना आईला कोणत्याही प्रकारची समस्या आली तर त्याचा थेट परिणाम मुलावरही होतो. यामुळे प्रवास करताना काही ट्रॅव्हलिंग टिप्सकडे लक्ष देणे खूप गरजेचे आहे. तुम्हालाही येणाऱ्या सणासुदीच्या काळात गरोदरपणात प्रवास करायचा असेल पुढील गोष्टींचे पालन करून तुम्ही स्वतःला आणि तुमच्या मुलाचे नुकसान होण्यापासून वाचवू शकता.

डॉक्टरांचा सल्ला घ्यावा

गरोदरपणात प्रवास करणे योग्य की अयोग्य हे जाणून घेण्यासाठी डॉक्टरांचा सल्ला घेणे अत्यंत गरजेचे आहे. डॉक्टरांनी प्रवासाची परवानगी दिली तरच तुम्ही प्रवास करावा. असे म्हटले जाते की गर्भधारणेच्या सुरुवातीच्या दिवसांत आणि शेवटच्या काही आठवड्यांतच प्रवास करणे योग्य आहे. डॉक्टरांच्या म्हणण्यानुसार तुमचा रिपोर्ट नॉर्मल नसेल तर तुम्ही प्रवास टाळावा. तुम्ही प्रवासाला गेलात तरी डॉक्टरांच्या संपर्कात राहावे.

लांबचा प्रवास टाळावा

अशा अनेक महिला आहेत ज्या कामानिमित्त घरापासून हजारो किलोमीटर दूर राहतात आणि सण आला की घरी जायला निघतात. जर तुम्हीही घरापासून हजारो किलोमीटर दूर राहत असाल तर तुम्ही गरोदरपणात प्रवास करणे टाळावे. असे म्हटले जाते की गरोदरपणाच्या सुरुवातीच्या दिवसांमध्ये प्रवास करता येतो. परंतु 7व्या महिन्यापासून 9व्या महिन्यापर्यंत प्रवास करणे आई आणि बाळासाठी हानिकारक असू शकते. यामुळे तुम्ही लांबचा प्रवासही टाळावा.

स्टॉप घेत प्रवास करावा

गरोदरपणात सतत प्रवास केल्याने आईबरोबरच बाळाचेही नुकसान होऊ शकते. त्यामुळे तुम्ही लांबच्या प्रवासाला जात असाल तर सतत प्रवास करणे टाळावे. जर तुम्ही गरोदरपणात लांबच्या प्रवासाला जात असाल तर तुम्ही थांबून प्रवास करावा. यामुळे शरीराला आराम मिळतो आणि मुलाचे कोणतेही नुकसान होण्याची भीती नसते. प्रवासादरम्यान एकाच स्थितीत बसणे देखील टाळावे.

जड वस्तू उचलणे टाळा

सण-उत्सवात कोणी घरी जायला निघाले की तो व्यक्ती सोबत भरपूर सामान घेऊन जातो. जर तुम्ही गरोदरपणात जड सामान घेऊन निघाले असाल तर तुम्ही ते उचलणे टाळावे. गरोदरपणात जड वस्तू उचलल्याने आई आणि बाळाचे नुकसान होऊ शकते. त्यामुळे गरोदरपणात कमीत कमी सामान घेऊन सहलीला जावे.

इतर गोष्टींचीही घ्या काळजी

जर तुम्ही गरोदरपणात प्रवास करायचा असेल तर र काही गोष्टी सोबत ठेवाव्यात. तुमचे आरोग्य लक्षात घेऊन तुम्ही आवश्यक औषधे, पौष्टिक अन्न आणि कोमट पाणी सोबत ठेवावे. प्रवासाला निघण्यापूर्वी फक्त आरामदायक कपडे घालावे. याशिवाय गरोदरपणात खडबडीत रस्त्यावरून प्रवास करणेही टाळावे. याशिवाय गर्दीपासून दूर राहा.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Battle of Galwan: रक्ताने माखलेला चेहरा, हातात धारदार शस्त्र अन् डोळ्यात देशभक्तीची चमक, 'गलवान'मधील सलमानचा पहिला लूक आला समोर

ED Goa: गोव्यात ईडीची झाडाझडती; 'सडा अर्बन'ची 1.05 कोटींची मालमत्ता तर जमीन हडप प्रकरणी संदीप वझरकर 3.19 कोटींची जमीन जप्त

Video: अप्रतिम अन् शानदार...! भर पावसात मुलांसोबत 'गजराज'नं लुटला क्रिकेटचा आनंद; सोशल मीडियावर व्हिडिओ व्हायरल

Goa: भर पावसात प्रवासी बोट नदीत बुडाली; बाहेर काढण्यासाठी गोवा सरकारने 11 दिवसांत खर्च केले 20 लाख रुपये

Multiple Organ Failure Diseases: एकाच आजारानं हृदय, यकृत अन् मूत्रपिंड खराब होऊ शकतं का? जाणून घ्या वैज्ञानिक कारण अन् प्रतिबंधात्मक उपाय

SCROLL FOR NEXT