बॉलिवूडची मस्तानी आज आपला ३७ वा वाढदिवस साजरा करत आहे. दीपिका पदुकोण अभिनयासह तिच्या सौंदर्यासाठी ओळखली जाते. फॅशनसोबतच ती सौंदर्याचीही विशेष काळजी घेते. मोठ्या पडद्यावरील मस्तानी साधेपणावर विश्वास ठेवते, तरीही तिचा चेहरा नेहमी ग्लो करत असतो. तुम्हाला सुध्दा दीपिकासारखी चमकदार त्वचा हवी असेल तर पुढिल गोष्टी नक्की ट्राय करा.

• राहण्यात साधेपणा

दीपिका तिची त्वचा (Skin) चांगली ठेवण्यासाठी साधेपणा ठेवते. दीपिकाच्या चेहऱ्यावर नेहमीच हास्य असते. रिपोर्ट्सनुसार तिचा चेहरा चमकदार आहे कारण ती तिच्या चेहऱ्यावर मॅट मेकअप वापरते. 2017 मध्ये तिने एका मुलाखतीदरम्यान सांगितले होते की ती चेहऱ्यावर कोणतेही प्रोडक्ट वापरत नाही. तसेच तिचे रुटीन साध ठेवते.

• पाणी भरपुर पिणे

निरोगी त्वचेसाठी हायड्रेटेड राहणेही खूप महत्त्वाचे आहे असे दीपिका मानते. त्यामुळे त्वचेच्या अनेक समस्या स्वतःच निघून जातात. दीपिका दररोज पुरेसे पाणी (Water) पिते. त्यामुळे तिची त्वचा चमकदार होते. दीपिका दिवसातून १०-१२ ग्लास पाणी पिते.

• दीपिकाची स्किन केअर रूटीन

व्यस्त वेळापत्रक असूनही ती झोपण्यापूर्वी तिचा मेकअप काढते. तिचा दिवस कितीही व्यस्त असला तरीही, ती कितीही थकली असली तरी दीपिका मेकअप काढते. मेकअप काढला नाही तर त्वचेची छिद्रे अडकतात आणि त्वचा दुरुस्त होऊ शकत नाही, असे त्यांचे मत आहे. त्यामुळे त्वचेवर फुटणे, बारीक रेषा आणि त्वचा वृद्धत्वाची समस्या उद्भवू शकते.

• कोणते प्रोडक्ट वापरते

दीपिका त्वचेची काळजी घेण्यासाठी दीपिका तिच्या रुटीनमध्ये त्वचेला एक्सफोलिएट करणे, साफ करणे आणि हायड्रेट करणे यासारख्या सवयी पाळते. तसेच मेकअप उत्पादनांमध्येही फाउंडेशनचा वापर केला जातो. ती दिवसातून दोनदा चेहऱ्यावर सनस्क्रीन लावते. त्वचेला हायड्रेट करण्यासाठी नाईट क्रीम आणि डिटॉक्सिंगसाठी क्ले मास्क देखील वापरते.