हिंदू धर्मात माता लक्ष्मीला धनाची देवता मानले जाते. माता लक्ष्मी प्रसन्न असेल तर माणसाला आर्थिक समस्या जाणवणार नाही.पण जर माता लक्ष्मी नाराज झाली असेल तर आर्थिक संकटाला सामोरे जावे लागते.

धार्मिक शास्त्रानुसार धनप्राप्ती होतांना जसे काही शुभ संकेत मिळतात तसेच धनाची हानी होतांना देखील काही अशुभ संकेत मिळतात. ही संकेत नेमके कोणते आहेत हे जाणून घेऊया.

• दुध उतु जाणे

दुधापासून बनवलेल्या सर्व गोड पदार्थ माता लक्ष्मीला अर्पण करणे शुभ मानले जाते. जर दूध पुन्हा पुन्हा उतू जात असेल तर हे अशुभ मानले जाते. तसेच हातातून दूधाचा ग्लास खाली पडणे देखील अशुभ मानले जाते. त्यामुळे माता लक्ष्मीच्या नाराज आहे असे समजावे.

• घरातील मनी प्लांट सुकणे

मनी प्लांट हे रोप धनाशी संबंधित वनस्पती मानली जाते. हे रोप घरात लावल्याने पैसा टिकून राहतो असे मानले जाते. पण जर तुमच्या घरात लावलेला मनी प्लांट सुकायला लागला तर माता लक्ष्मी तुमच्यावर नाराज आहे हे समजून घ्यावे. तसेच तुम्हाला भविष्यात आर्थिक नुकसान होऊ शकते.

• दागिने हरवणे

सोने हा अत्यंत मौल्यवान आणि शुभ धातू आहे. तुमचे दागिने हरवले असतील तर ते माता लक्ष्मी नाराज आहे असे समजावे. यामुळे सोन्याचे दागिने काळजीपुर्वक ठेवावे.

नळातून पाणी गळणे

तुमच्या घरातील नळातून पाणी गळत असेल तर ते अशुभ मानले जाते. कारण यामुळे आयुष्यात आर्थिक संकट येऊ शकते.यामुळे घरातील नळांची वेळीच दुरूस्ती करावी.