हिंदू धर्मात आश्विन महिन्यात पौर्णिमेला शरद पौर्णिमेचा सण साजरा केला जातो. या वर्षी शरद पौर्णिमा 19 ऑक्टोबर रोजी साजरी केली जाईल. शरद पौर्णिमेला कोजागिरी पौर्णिमा (Kojagiri Purnima) असे देखील म्हणतात. हिंदू धर्मात शरद पौर्णिमेला अधिक महत्व आहे. ज्योतिषांच्या मते वर्षातून फक्त शरद पौर्णिमेच्या दिवशी चंद्र (Moon) सोळा कलांनी परिपूर्ण असतो. असे मानले जाते की या दिवशी आकाशातून अमृत वर्षाव होतो. या दिवशी चंद्राची पूजा केली जाते. असे म्हणतात की या दिवसापासून हिवाळा सुरू होतो. या दिवशी चंद्र पृथ्वीच्या सर्वात जवळ असतो, असे मानले जाते. पौर्णिमेच्या रात्री, चंद्राचा दुधाळ प्रकाश सर्वत्र पसरतो. या दरम्यान पौर्णिमेचा सण साजरा केला जातो.

शरद पौर्णिमेच्या दिवशी रात्री दूध घोटून मोकळ्या आकाशाखाली ठेवले जाते. यामागे वैज्ञानिक कारणे आहेत. असे म्हटले जाते की दुधात लैक्टिक अॅसिड भरपूर प्रमाणात आढळते. चंद्राच्या तेजस्वी प्रकाशात दुधात आधीपासून असलेले बॅक्टेरिया वाढवण्यासाठी हे उपयुक्त आहे. त्याचबरोबर दुधात असलेले सुकामेवा आणि केसर यांची अधिक चव वाढवतात. असे मणले जाते की चांदीच्या भांड्यांमध्ये रोग प्रतिकारशक्ती अधिक असते. त्यामुळे दूध चांदीच्या भांड्यात ठेवावी. या दिवशी चंद्राचा प्रकाश हा सर्वात तेजस्वी असतो. या कारणामुळेच पौर्णिमेच्या रात्री मोकळ्या आकाशात दूध ठेवणे फायदेशीर मानले जाते.

शरद पौर्णिम 19 ऑक्टोबर 2021 रोजी साजरी केली जाणार आहे. शुभ वेळ संध्याकाळी 7 वाजल्यापासून सुरू होणार असून समाप्ती 20 ऑक्टोबर 2021 रोजी रात्री 8 वाजून 20 मिनिटांनी होणार आहे.