Space Tourism: अनेक लोक भटंकती करण्यासाठी वेगवेगळ्या ठिकाणांना भेट देतात. पण अनेक लोकांना स्पेसमध्ये जाण्याची इच्छा असते. तुम्हालाही जर स्पेसमध्ये जाण्याची इच्छा असेल तर ही बातमी तुमच्यासाठीच आहे. स्पेस टुरिझममुळे तुम्हीही अंतराळात प्रवास करण्याचा आनंद घेऊ शकता

• स्पेस टूरिझम म्हणजे काय?

1961 मध्ये प्रथमच मानवाने अंतराळ जवळून पाहिले होते. ही व्यक्ती सोव्हिएत युनियनचे अंतराळवीर युरी गागारिन होते. तेव्हापासून, सूर्यमाला आणि इतर ग्रह समजून घेण्यासाठी अनेक स्पेस मिशन राबविण्यात आले. वेळेसह विज्ञान आणि तंत्रज्ञानातही प्रगती झाली आहे.

आज अवकाशात केवळ शास्त्रज्ञच नाही तर सामान्य लोक देखील स्पेसमध्ये जाऊ शकतात. कारण स्पेस टूरिझममुळे हे शक्य झाले आहे. स्पेस टूरिझम म्हणजे अंतराळ प्रवास. याद्वारे लोकांना पैसे देऊन स्पेसमध्ये प्रवास करण्याचा अनुभव घेता येईल. अनेक कंपन्यांनी अवकाश प्रवासाची तयारी सुरू केली आहे.

• एका व्यक्तीला किती खर्च येतो?

आपण अंदाज लावू शकता की स्पेस ट्रॅवलचा खर्च हा जास्त असेल. सध्या काही कंपन्या लोकांना अंतराळात जाण्यात यशस्वी ठरल्या आहेत. यामध्येही कंपन्यांचे स्पेसचे वेगवेगळे अर्थ आहेत. याचा अर्थ हे सर्व अंतराळयान वेगवेगळ्या उंचीवर प्रवास करतात. यातील बहुतांश स्पेस टूरिझम कंपन्यांच्या तिकिटाचे दर अद्याप ठरलेले नाहीत.

अब्जाधीश उद्योगपती सर रिचर्ड ब्रॅन्सन यांचे व्हर्जिन गॅलेक्टिक हे स्पेस टूरिझममधील प्रसिद्ध नाव आहे. यामध्ये एका प्रवाशाचे तिकीट 2 कोटी रुपयांपासून सुरू होते. तसेच अॅमेझॉनचे संस्थापक जेफ बेझोस यांच्या ब्लू ओरिजिनच्या स्पेस ट्रॅव्हल कंपनीची किंमत अद्याप ठरलेली नाही.

काही रिपोर्ट्सनुसार एका तिकिटाची किंमत 2.5 कोटी रुपये असू शकते. स्पेस टूरिझमच्या वाढत्या बाजारपेठेत आता भारतही या बाजारपेठेत प्रवेश करण्याच्या तयारीत आहे. प्रसिद्ध झालेल्या अहवालानुसार, भारताची अंतराळ संस्था इस्रो 2030 पर्यंत प्रति प्रवासी 6 कोटी रुपये खर्च करून स्पेस टूरिझम सुरू करण्याची योजना आखत आहे.