Tips to Identify Authentic Silk Saree

तुम्हाला साड्या भरपूर आवडतात का? असं अनेकवेळा होतं की एखाद्या साडीचा रंग किंवा टेक्श्चर आपल्या डोळ्यांमध्ये लगेच भरतो आणि साडीची किंमत न बघता आपण ती विकत देखील घेतो. काही लोकं अशीही असतात ज्यांना साड्यांचा भरपूर शौक असतो आणि किंमत न बघता साडी विकत घेतली जाते.

लग्न-मुंज किंवा फार-फार तर पार्टीच्या वेळी साडी विकत घेतली जाते पण विचार करा तुम्ही एखादे दिवशी सिल्कची साडी विकत घेतली आणि ती नकली निघाली तर?

पैसे वाया गेल्याचं दुःख असेलच पण सोबतच साडी नकली निघाल्याचा अधिक त्रास होईल. बनारसी स्लिक साड्या जगप्रसिद्ध आहेत. अत्यंत मऊ, हलक्या आणि उबदार साड्या प्रत्येकालाच हव्या हव्याशा वाटतात.

या साड्यांना मिळणाऱ्यामिळणाऱ्या पसंतीचा काही लोकं फसवगिरीमध्ये उपयोग करून घेतात. काही दुकानदार असेही आहेत जे खोट्या साड्या सिल्क साड्या म्हणून भरगोस किमतीला विकतात, मग तुम्ही कसं ओळखलं की तुम्हाला मिळालेली साडी सिल्कची आहे की नाही?

खरी सिल्की साडी कशी ओळखाल?

अस्सल बनारसी साडीचे विणकाम नेहमी आडव्या दिशेने केले जाते, त्यामुळे कधीही तुम्हाला याचं विणकाम उभ्या दिशेने केलेलं दिसणार नाही. दुसरा महत्वाचा मुद्दा म्हणजे बनारसी साडी तयार करताना कडा घट्ट ठेवण्यासाठी खिळ्यांचा वापर केला जातो आणि म्हणूनच एखादी साडी विकत घेताना साडीच्या काठावर असलेल्या पिनचं चिन्ह नक्की पहा.

साडी जर का खोटी असेल तर एखादा धागा जाणवून पाहिल्यानंतर हाताला चिकटेल, खरी सिल्कची साडी ही रेशमाच्या अळीच्या तंतूपासून धागा तयार करून बनवली जाते जिचा धागा जळवून बघितल्यास थेट राख होईल.

सिल्क साडीची किंमत किमान १० हजार तरी नक्कीच असते त्यामुळे एखादी साडी यापेक्षा कमी किमतीला मिळतेय म्हणून विकत घ्यायला गेलात तर फसवणूक होण्याची शक्यता आहे. बनारसी सिल्क साडी हाताने विणलेली असते, त्यामुळे या साडीचा धागा काहीसा सैल असतो आणि दुसऱ्या बाजूला मशीनवर विणलेल्या साडीचा धागा पटकन ओळखता येतो. सर्वात महत्वाचं म्हणजे तुमच्या ओळखीच्या दुकानदाराकडूनच अशा महाग साड्या विकत घ्या.