झपाट्याने बदलत चाललेली संस्कृती आणि लाइफस्टाइल अन्न खाण्याच्या पद्धतीतही मोठे बदल दिसून आले आहेत. विशेषत: चमच्याचा वापर खूप वाढला आहे. हल्ली हाताने खाण्याऐवजी चमच्याने खाण्याचा ट्रेंड झपाट्याने वाढला आहे. तरुणाईला ते खूप आवडते. पण पोषणतज्ञांच्या मते, चमच्याने खाण्यापेक्षा (Food) हाताने खाण्याची पध्दत खूप चांगली आहे. याचे अनेक फायदे आहेत. चला जाणून घेऊया अन्न चमच्याऐवजी हाताने का खावे.

• चमच्याने खाणे हानिकारक का?

अलिकडेच प्रकाशित झालेल्या आरोग्य अहवालानुसार जे लोक चमच्याने किंवा काट्याचे चमचे वापरुन दीर्घकाळ अन्न खातात त्यांना रक्तातील साखरेचे संतुलन बिघडण्याचा धोका जास्त असतो. यामुळे टाइप 2 मधुमेह होण्याची शक्यताही जास्त असते. त्यामुळे चमच्याने न खाता हाताने खाण्याचा प्रयत्न करावा.

• पदार्थाची चव वाढते

आयुर्वेदानुसार हाताने अन्न खाण्याचे अनेक फायदे आहेत. हाताने अन्न खाल्ल्याने चव चांगली लागते, मग अन्नाचे पचनही चांगले होते.

• स्नायूंचा व्यायाम होतो

हाताने अन्न खाताना हातांच्या स्नायूंचा व्यायामही चांगल्या पद्धतीने पूर्ण होतो. तसेच असे मानले जाते की हाताने अन्न खाल्ल्याने रक्ताभिसरण सुधारते. जेवताना किंवा अन्न बनवताना सर्व सांध्यांचाही हाताने चांगला व्यायाम होतो, त्यामुळे त्यांची लवचिकताही चांगली असते.

• अन्नाचे पचन चांगले होते

आयुर्वेदानुसार, आपल्या बोटांच्या वरच्या भागात असलेल्या नसांना वारंवार स्पर्श केल्याने आपली पचनशक्ती देखील मजबूत होते. तसेच हाताने पदार्थ खाताना त्याचा सुगंध आणि चवही चांगल्या प्रकारे अनुभवता येते.

• खाण्यापूर्वी हात धुवा

आरोग्य तज्ज्ञांच्या मते जेवण करण्यापूर्वी तुम्ही तुमचे हात चांगले धुवावेत. काही काम करत असताना आपल्या हातावर बॅक्टेरिया आणि जंतू चिकटून राहू शकतात. जे अन्नासोबतच पोट, घसा, तोंड आणि आतड्यांपर्यंत जाऊन समस्या निर्माण करू शकतात. त्यामुळे काहीही खाण्यापूर्वी हात धुतले तर बरे होईल.