Surya Gochar 2026: फेब्रुवारी महिन्यात ग्रहांचा राजा मानल्या जाणाऱ्या सूर्यदेवाच्या स्थितीत अत्यंत महत्त्वाचे बदल होणार असून या 'ट्रिपल गोचर'मुळे काही राशींच्या नशिबाला मोठी कलाटणी मिळणार आहे. ज्योतिष शास्त्रानुसार, सूर्य हा आत्मा, प्रतिष्ठा आणि यशाचा कारक मानला जातो. जेव्हा सूर्याचे राशी आणि नक्षत्र परिवर्तन एकाच महिन्यात वारंवार घडते, तेव्हा त्याचे शुभ परिणाम अनेक पटींनी वाढतात.
फेब्रुवारी महिन्यात सूर्य एकूण तीन वेळा आपली चाल बदलणार आहे, ज्यामध्ये एकदा राशी परिवर्तन आणि दोनदा नक्षत्र परिवर्तनाचा समावेश आहे. या खगोलीय घटनांमुळे विशेषतः मेष, सिंह आणि धनु या तीन राशींच्या जातकांसाठी प्रगतीचे नवे दरवाजे उघडणार असून त्यांच्या करिअर आणि व्यवसायात मोठी झेप घेण्याची संधी निर्माण होणार आहे.
सूर्याच्या या विशेष प्रवासाची सुरुवात 6 फेब्रुवारी 2026 रोजी होणार आहे. शुक्रवारी दुपारी 2 वाजून 10 मिनिटांनी सूर्यदेव धनिष्ठा नक्षत्रात प्रवेश करतील. या नक्षत्र परिवर्तनानंतर 13 फेब्रुवारी 2026 रोजी पहाटे 4 वाजून 14 मिनिटांनी सूर्य मकर राशीतून बाहेर पडून कुंभ राशीत प्रवेश करतील. सूर्याच्या या राशी परिवर्तनाला 'कुंभ संक्रांती' म्हणून ओळखले जाते. या बदलाचा सिलसिला इथेच न थांबता, 19 फेब्रुवारी 2026 रोजी संध्याकाळी 6 वाजून 39 मिनिटांनी सूर्यदेव पुन्हा एकदा नक्षत्र बदलून शतभिषा नक्षत्रात प्रवेश करतील.
सूर्याच्या या वारंवार होणाऱ्या बदलांमुळे मेष राशीच्या व्यक्तींना आपल्या नवीन योजना प्रत्यक्षात आणण्यासाठी उत्तम काळ लाभणार आहे. तुमच्या कामात तुम्हाला अपेक्षित यश मिळेल, ज्यामुळे केवळ तुमची आर्थिक स्थिती सुधारेल असे नाही, तर समाजात आणि कामाच्या ठिकाणी तुमचा आत्मविश्वासही वाढेल. तुम्हाला प्रगतीच्या अनेक नवीन संधी मिळतील, ज्यांचा फायदा घेऊन तुम्ही आयुष्यात मोठी मजल मारु शकता.
सिंह राशीच्या जातकांसाठी फेब्रुवारी महिना अत्यंत लाभदायक ठरणार आहे. या काळात तुमची कार्यक्षमता वाढल्याने तुम्हाला कामाचे अनेक नवीन आणि मोठे प्रकल्प मिळण्याची शक्यता आहे. या नवीन संधींचा फायदा घेतल्यास तुम्हाला मोठा आर्थिक लाभ होऊ शकतो. तुमचे कौटुंबिक संबंध आणि मित्रांसोबतचे नाते अधिक दृढ होईल, ज्यामुळे तुम्हाला मानसिक बळ मिळेल. व्यवसायात असलेल्या सिंह राशीच्या लोकांसाठी हा काळ विस्ताराचा असून गुंतवणुकीतून चांगला परतावा मिळण्याचे संकेत आहेत. सूर्याचा हा प्रभाव तुमच्या व्यक्तिमत्वात सकारात्मक बदल घडवून आणेल आणि तुम्ही आव्हानांना तोंड देण्यासाठी सज्ज व्हाल.
धनु राशीच्या लोकांसाठी सूर्याचे हे तिहेरी गोचर भाग्योदयाचे ठरेल. तुमच्या करिअरमध्ये तुम्हाला मोठी प्रगती पाहायला मिळेल आणि समाजातील तुमचा मान-सन्मान वाढेल. जे लोक नोकरी करत आहेत, त्यांना पदोन्नती किंवा पगारात वाढ मिळण्याची दाट शक्यता आहे. आर्थिक नियोजनाच्या बाबतीत तुम्ही घेतलेले निर्णय यशस्वी ठरतील आणि पूर्वी केलेल्या गुंतवणुकीतून (Investment) आता चांगला लाभ मिळण्यास सुरुवात होईल. एकूणच फेब्रुवारी 2026 हा महिना धनु राशीसाठी सर्वार्थाने भाग्यवान ठरणार असून आर्थिक स्थिती पूर्वीपेक्षा अधिक मजबूत होईल. या तीन राशींच्या जातकांनी आपली क्षमता ओळखून या संधींचा योग्य वापर केल्यास हा काळ त्यांच्यासाठी अविस्मरणीय ठरु शकतो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.