Goa LifeStyle : गोव्याच्या ‘फॅशन ट्राईड इंटरनॅशनल' यांनी आयोजित केलेल्या सौंदर्य स्पर्धेत अक्षता फर्नांडिस (Akshata Fernandes) यांनी स्टेलर मिसेस गोवा, अमन शेख याने स्टेलर मिस्टर गोवा आणि मुस्कान शेख यांनी स्टेलर मिस गोवा (Goa) असे विजेतेपद पटकावले.

फॅशन ट्राईड इंटरनॅशनल (Fashion Triad International) ही संस्था गोव्याचे प्रसिद्ध फॅशन डिझायनर मोन्टी सॅली, फोटोग्राफर प्रसाद पानकर आणि राहिला खान यांनी 2018 मध्ये स्थापन केली आहे. या संस्थेची ही तिसरी स्पर्धा होती.

गेले सहा महिने स्पर्धकांना आत्मविश्वास जागृती, पेहराव आणि चाल यांच्या यांसारख्या बाबींवर अथक प्रशिक्षण दिल्यानंतर 28 नोव्हेंबर रोजी ही स्पर्धा ‘प्राइड सन विलेज’ या तारांकित हॉटेलमध्ये संपन्न झाली.