दिव्यांचा उत्सव म्हणजे दिवाळी. गोव्यात दिवाळी खूप आंनदांत साजरी केली जाते. येथे पोह्याचे विविध प्रकार तयार करून दिवाळीच्या दिवशी आस्वाद घेतला जातो. जसे दुधातले फोव, तकटले फोव, बटाटा फोव , कढी फोव आणि बरेच. आज आम्ही तुम्हाला गोव्यात घरोघर बनवल्या जाणाऱ्या 'कढीचे फोव' या पदार्थांची रेसिपी सांगणार आहोत.

साहित्य:

लाल पोहा- 4 वाटी

चिंच - 2

लाल मिरची - 2 /4

गूळ पावडर - आवडीनुसार

नारळ खीस - आवडीनुसार

मिरी - 8/10

स्वादानुसार मीठ

कृती:

सर्वात प्रथम लाल पोहे अर्ध तास भिजत ठेवणे. नंतर एक पॅनमध्ये तेल तेल गरम करावे. नंतर त्यात मिरी आणि लाल मिरची भाजून घ्यावी. नंतर दुसरीकडे एक मिक्सरमध्ये ओलं खोबरं आणि भाजलेले मिरी व लाल मिरची, चिंचेची पेस्ट, गुळ , कोमट पाणी घालून चांगले मिश्रण तयार करावे. नंतर हे मिश्रण एका वाटीमध्ये गाळून घ्यावे. नंतर यात मीठ घालावे. नंतर भिजवलेल्या पोह्यांवर ही कढी टाकून 10 मिनिटे ठेवावे. तयार आहे कढीचे फोव. तुम्ही सुंदर काचेच्या प्लेटमध्ये हा पदार्थ सर्व्ह करू शकता.

ही रेसिपी तयार करण्यासाठी, लाल पोह्नयांचाच वापरा करावा, कारण ते पांढर्‍या पोह्यापेक्षा जास्त चवदार असतात.