Women Health: गर्भधारणेदरम्यान महिलांनी खूप काळजी घ्यावी. थोडासा निष्काळजीपणाही आई आणि बाळ दोघांसाठी घातक ठरु शकतो. गर्भधारणेदरम्यान महिलांच्या शरीरात अनेक हार्मोनल बदल होतात. थायरॉईड हार्मोन्समध्ये बदल होतो. गर्भधारणेदरम्यान काही महिलांमध्ये थायरॉईड वाढण्याची समस्या वाढू शकते. ज्यामुळे महिलांच्या शरीरात अनेक प्रकारच्या समस्या निर्माण होऊ लागतात. या आजारापासून बचाव करण्यासाठी योग्य माहिती असणे महत्त्वाचे आहे. जन्मानंतर मुलांमध्येही हा आजार दिसून येतो हे अनेक वेळा दिसून आले आहे. गर्भवती महिलांना थायरॉईडचा आजार का होतो आणि तो मुलांपर्यंत कसा पोहोचतो हे आज आपण जाणून घेणार आहोत.

उलट्या आणि मळमळ

गर्भधारणेदरम्यान, काही महिलांना उलट्या आणि मळमळ होण्याची समस्या सुरु होते, ज्यामुळे एचसीजी हार्मोनची पातळी वाढू लागते. यामुळे शरीरात थायरॉईड हार्मोन देखील वाढते. यामुळे गर्भवती महिला आणि त्यांच्या न जन्मलेल्या बाळाला धोका निर्माण होऊ शकतो.

हा आजार मुलांपर्यंत कसा पोहोचतो?

तज्ञांच्या मते, इम्यून डिसऑर्डरमुळे काही महिलांना गर्भधारणेदरम्यान हायपरथायरॉईडीझमची समस्या उद्भवू शकते. यामध्ये, व्यक्तीची इम्यून सिस्टिम थायरॉईड ग्रंथीवर हल्ला करते. ज्यामुळे शरीरात जास्त प्रमाणात थायरॉईड हार्मोनचा स्राव होऊ लागतो. महिलांच्या शरीरात होणाऱ्या बदलांचा परिणाम मुलांवरही होतो. अशा परिस्थितीत हा आजार मुलांपर्यंत पोहोचतो. काही महिला गरोदरपणात त्यांच्या आहारात जास्त आयोडीन घेण्यास सुरुवात करतात, ज्यामुळे हायपरथायरॉईडीझमची शक्यता वाढते. म्हणून, जास्त आयोडीन घेणे टाळावे.

थायरॉईड म्हणजे काय?

थायरॉईड ही आपल्या घशात असलेली एक ग्रंथी आहे. ही ग्रंथी आपल्या शरीरात थायरॉईड हार्मोन तयार करते. थायरॉईड हार्मोन अनेक क्रियांना कंट्रोल करते. यामध्ये हृदयाचे ठोके आणि चयापचय यासारख्या क्रियांचा समावेश आहे. जर शरीरातील थायरॉईड ग्रंथी खूप वाढल्या किंवा कमी थायरॉईड हार्मोन तयार करु लागल्या तर शरीरात थायरॉईडची समस्या वाढू लागते.