घर नियमितपणे स्वच्छ करणे ही अत्यंत महत्वाची गोष्ट आहे. स्वच्छ घर हे देवी-देवतांचे, विशेषत: लक्ष्मीचे निवासस्थान मानले जाते. पारंपारिकपणे, घराच्या स्वच्छतेसाठी झाडूचा वापर केला जातो. हिंदू धर्मात देवी लक्ष्मीचा वास झाडूमध्ये असतो असे मानले जाते.

ज्योतिषशास्त्रातही झाडूशी संबंधित अनेक मान्यता सांगितल्या आहेत. असे मानले जाते की या गोष्टींचा विचार केला नाही तर घरात गरीबी आणि दारिद्र्य येते.

(Astro Tips of Broom)

झाडूला पाय लागला तर काय करावे?

ज्योतिष आणि वास्तूशास्त्रामध्ये झाडूबाबत अनेक नियम सांगण्यात आले आहेत. कधी कधी आपले पाय झाडूवर पडतात. झाडूवर पाय ठेवणे हा लक्ष्मीचा अपमान मानला जातो. अशा स्थितीत जर कधी तुमचे पाय झाडूला लागले असतील तर हाताने झाडूला स्पर्श करून कपाळावर लावा आणि माता लक्ष्मीची क्षमा मागा.

झाडूशी संबंधित काही इतर नियम

• वास्तूशास्त्रात सांगितले आहे की, झाडू कधीही उभा ठेवू नये. नेहमी तो आडवा करून ठेवावा. असे मानले जाते की उभ्या ठेवलेल्या झाडूमुळे घरामध्ये अशुभ होऊ शकते, ज्यामुळे तुम्हाला अनेक त्रासांना सामोरे जावे लागू शकते.

• शास्त्रानुसार घरात वापरण्यात येणारा झाडू तोडू नये. घराचा झाडू तुटला किंवा खराब झाला तर तो ताबडतोब बदलावा. याशिवाय शुक्रवार आणि गुरुवारी झाडू घराबाहेर फेकू नका हे लक्षात ठेवा.

• सूर्यास्तानंतर घरात झाडू वापरू नये असे शास्त्रात सांगितले आहे. असे केल्याने घरात आर्थिक समस्या उद्भवू शकतात. घराच्या दक्षिण-पश्चिम दिशेला झाडू ठेवल्यास आयुष्यात कधीही धनाची हानी होत नाही.

• वास्तूशास्त्रात सांगितले आहे की, झाडू कधीही कपाटाच्या मागे किंवा तिजोरीच्या मागे ठेवू नये. असे मानले जाते की यामुळे धनहानी होण्याची शक्यता वाढते.