राफेल नदाल: टेनिसमधील आणखी एक युग संपुष्टात आले आहे. गुरुवारी (10 ऑक्टोबर) चाहत्यांसाठी एक निराशाजनक बातमी समोर आली.

निवृत्ती: 22 वेळचा ग्रँडस्लॅम चॅम्पियन राफेल नदालनं टेनिसमधून निवृत्ती जाहीर केली. हा हंगाम त्याचा शेवटचा असणार आहे. त्यानं सोशल मीडियावर पोस्ट करत निवृत्तीची घोषणा केली.

डेव्हिस कप: या वर्षी नोव्हेंबरमध्ये होणाऱ्या डेव्हिस कपच्या अंतिम फेरित प्रवेश करणार असल्याचे नदालने सांगितलं.

काय म्हणाला नदाल: डेव्हिस कप फायनल ही माझी शेवटची स्पर्धा असेल. ज्यात मी देशाचं प्रतिनिधित्व करणार आहे. यासाठी मी खूप उत्सुक आहे.

कल्पनेपेक्षा मोठी कारकिर्द: माझ्या कल्पनेपेक्षा मोठी आणि खूप यशस्वी कारकीर्द संपवण्याची हीच योग्य वेळ आहे, असेही नदालने नमूद केले.

बाळाचे पाय पाळण्यात दिसतात: वयाच्या 12व्या वर्षांपर्यंत तो टेनिस आणि फुटबॉल दोन्ही खेळ खेळत असे. पण, पुढे जाऊन याच पोराने टेनिस जगताला आपलेसे केले.

काकांचा सल्ला: नदाल काका टोनी नदाल यांच्या सल्ल्यानुसार या क्षेत्रात आला आणि त्याने आपल्या शानदार कामगिरीच्या जोरावर इतिहास घडवला.

सर्वाधिक वेळा ग्रँडस्लॅम जिंकणारे टेनिसपटू: 24-नोवाक जोकोविच, 22-राफेल नदाल, 20-रोजर फेडरर, 14-पीट सेम्प्रास, 12-रॉय एमर्सन.