मयेचे आमदार प्रवीण झांट्ये यांनी रविवारी वास्को येथे जावून राज्यपाल पदी नियुक्ती झाल्याबद्दल आदरणीय राजेंद्र आर्लेकर यांचे अभिनंदन करून त्यांना शुभेच्छा दिल्या. यावेळी त्यांच्यासमवेत उत्तर गोवा (North Goa) जिल्हा पंचायतीच्या माजी अध्यक्ष सौ. अंकिता न्हावेलकर या होत्या.

भाजपचे एक सच्चे आणि प्रामाणिक कार्यकर्ते असलेले राजेंद्र आर्लेकर यांचा स्वभाव निगर्वी आणि मनमिळावू आहे. माजी सभापती आणि माजी मंत्री असलेल्या श्री. आर्लेकर यांची राजकीय कारकीर्द वादविरहीत आहे. असे गौरवोद्गार आमदार झांट्ये यांनी काढले आहे.

दरम्यान, श्री. आर्लेकर यांचा मंगळवारी शपथविधी होणार असून, आज (सोमवारी) ते हिमाचल प्रदेश येथे जाण्यासाठी निघणार आहेत.