जाणून घ्या गोव्यातील गौरी पूजन कसे असते
चतुर्थीच्या दरम्यान साधारण पाचव्या दिवशी गौरी पूजन केले जाते हे गौरी पूजन सत्तरीतील मुख्य आकर्षण आहे. सत्तरीतील बऱ्याच गावांमध्ये गौरी पूजन केले जाते. कोकणातील गौरी पूजन आणि गोव्यामधील गौरी पूजनाची थोडी भिन्नता आहे. कोकणामध्ये गौरी निमित्ताने गौरी मुर्तीचेही पूजन केले जाते. पण सत्तरीत आणि डिचोली, पेडणे आणि दोडामार्ग तालुक्यातील गावांमध्ये ही गौरी पूजन थोडे वेगळे आहे.
येथे गौरी पुजनाची परंपरा म्हणजे, घरातील सुहासिनी महिला पाचव्या दिवशी सकाळी तांब्याच्या कलशातून नदी-विहिरीवरील पाणी घरी घेऊन येते व त्याची गणपती समोर पूजा अर्चा केली जाते, त्यानंतर गौरीचे 'हवशे' होतात. हवशे हे हळदीच्या पानावर मुगाची डाळ व इतर फळांचे तुकडे घातलेला नैवेद्य असतो. तो देवीला अर्पण केल्यानंतर घरातील महिला गावात फिरून याचे वाटप करतात. नंतर संध्याकाळी त्यांची पुन्हा आणलेल्या ठिकाणी विसर्जन होते. या गौरी पुजनावेळी कलशातून पाणी आणणे आणि त्याचे विसर्जन करते वेळी सर्वजण एकत्रित जमतात तर दुपारच्या सत्रात महिला हवशे घेऊन घरोघरी जात असतात.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.