गोव्यात उत्सवांची रेलचेल: पावसाळा सुरु झाला की, गोव्यात उत्सवांची रेलचेल सुरु होते. सांगडो, सांजाव, बोंदेरासह चिखलकाला उत्सव मोठ्या उत्साहात गोवेकर साजरे करतात.

चिखलकाला उत्सव: आज चिखल काला उत्सव गोव्यात मोठ्या उत्साहात पार पडला.

आषाढी एकादशीचा सोहळा: आषाढी एकादशीचा सोहळा पार पडल्यानंतर गोव्यात 'चिखलकाला' उत्सव साजरा करतात.

माशेलात धूम: माशेल येथील देवकी कृष्ण मंदीरात चिखलकालाचे आयोजन करण्यात आले. एकमेकांच्या अंगावर चिखल उडवत लहानग्यांपासून मोठ्यापर्यंत सर्वांनी चिखल काला उत्सवाचा आनंद लुटला.

400 वर्षे जुनी परंपरा: या उत्सवाची 400 वर्षे परंपरा जुनी असल्याचं म्हटलं जातं.

कृष्णाच्या बाल क्रिडा: हा उत्सव भगवान श्रीकृष्णाच्या बालपणातील खेळकर आणि खोडकर स्वभावाच्या स्मरणार्थ साजरा केला जातो.

पर्यटनमंत्री रोहण खवंटे: पर्यटनमंत्री रोहण खवंटे यांनीही चिखल काला उत्सव मोठ्या उत्साहात साजरा केला. विशेष म्हणजे खवंटे सलग दुसऱ्यांदा चिखल काला उत्सवात सहभागी झाले होते.

खवंटे म्हणाले: चिखल काला उत्सवाच्या माध्यमातून आम्ही गोव्याची संस्कृती लोकांसमोर आणण्याचा प्रयत्न करतोय.

गोव्यातील अन्य भागात: गोव्यात माशेल व्यतिरिक्त फोंडा, साखळी चिखल काला उत्सव साजरा करण्यात आला. मात्र, माशेल येथे होणारा चिखल काला उत्सव आगळावेगळा असून पारंपरिक पद्धतीने साजरा केला जातो.