आहार: जगातील वेगवेगळ्या देशांमध्ये वेगवेगळ्या प्रकारचा आहार आहे. पण तुम्हाला माहितीये का जगातील सर्वाधिक मांसाहार करणारे देश कोणते आहेत? चला तर मग याविषयी जाणून घेऊया...

डेटा: काही दिवसांपूर्वी वर्ल्ड ऑफ स्टॅटिस्टिक्सने एक डेटा शेअर केला, ज्यामध्ये जागतिक आहार सर्वेक्षण आणि अन्न आणि कृषी संघटना तसेच जागतिक आरोग्य संघटना सारख्या संस्थांच्या रिपोर्टचा हवाला देण्यात आलाय.

1- अमेरिका: मांसाहार करणाऱ्या देशांमध्ये महासत्ता (अमेरिका) पहिल्या क्रमांकावर आहे. येथील तब्बल 97 टक्के लोक मांसाहार करतात.

2- ब्राझील: दुसऱ्या क्रमांकावर दक्षिण अमेरिका खंडातील ब्राझील हा देश आहे. येथील तब्बल 96 टक्के लोक मांसाहारी आहेत.

3- ऑस्ट्रेलिया: तिसऱ्या क्रमांकावर ऑस्ट्रेलिया आहे. येथील तब्बल 95 टक्के लोक मांसाहार करतात.

4- रशिया: चौथ्या क्रमांकावर युक्रेनविरुद्ध युद्धात गुंतलेला आणि जगातील सर्वात मोठा देश रशिया आहे. येथील तब्बल 94 टक्के लोक मांसाहार करतात.

5- चीन: पाचव्या क्रमांकावर भारताचा शेजारी देश चीन आहे. येथील तब्बल 93 टक्के लोक मांसाहार करतात.

6- जपान: सहाव्या क्रमांकावर जपान आहे. येथील सुमारे 92 टक्के लोक मांसाहार करतात.

7- अर्जेंटिना: सातव्या क्रमांकावर दक्षिण अमेरिका खंडातील आणखी एक देश अर्जेटिना आहे. येथील तब्बल 91 लोक मांसाहार करतात.

8- फ्रान्स: आठव्या क्रमांकावर युरोप खंडातील फ्रान्स हा देश आहे. या देशातील तब्बल 90 टक्के लोक मांसाहारी आहेत.

9- जर्मनी: नवव्या क्रमांकावर जर्मनी हा देश आहे. येथील तब्बल 89 टक्के लोक मांसाहारी आहेत.

10- मेक्सिको: हा देश दहाव्या स्थानावर आहे. येथील तब्बल 88 टक्के लोक मांसाहार करतात.

भारत: भारताबद्दल बोलायचे झाल्यास जगातील मांसाहार करणाऱ्या पहिल्या 10 देशांच्या यादीत भारत नाहीये. परंतु भारत पहिल्या 20 मध्ये आहे. भारताचे स्थान 16 आहे. भारतात तब्बल 82 टक्के लोक मांसाहार करतात.