नुकतेच वाहतुकीस खुला झालेल्या नव्या झुआरी पुलावरून नदीत उडी घेत एकाने आत्महत्या केली आहे. पुल सर्वांसाठी खुला झाल्यानंतर पहिल्यांदाच अशा प्रकारची घटना घडली आहे. दरम्यान, घटनेला एक दिवस उलटून गेला तरी युवकाचा मृतदेह अद्याप सापडलेला नाही. नदीत शोधकार्य सुरू आहे.

मिळालेल्या माहितीनुसार, कुठ्ठाळीतील नव्या झुआरी पुलावरून शुक्रवारी संध्याकाळी एका युवकाने नदीत उडी घेत आत्महत्या केली. युवकाने उडी घेतली त्यावेळी अनेकांनी त्याला पाहिले असल्याचे सांगितले जात आहे. घटनेला एक दिवस उलटून गेला तरी, युवकाचा मृतदेह अद्याप सापडला नाही.

लालसाब खोलकर (वय 22, रा. वास्को) असे या युवकाचे नाव आहे. उडी घेतल्यानंतर त्याला वाचविण्याचा प्रयत्न देखील झाला मात्र, त्याचा मृतदेह अद्याप सापडलेला नाही.

शुक्रवारी संध्याकाळी सातच्या सुमारास ही घटना घडली. युवकाचा मृतदेह शोधण्याचे काम अद्याप सुरू असल्याची माहिती समोर आली आहे. एक दिवस उलटून गेल्यानंतर देखील त्याचा मृतदेह सापडला नसल्याने चिंता व्यक्त केली जात आहे.

दरम्यान, या घटनेची आगशी पोलिस ठाण्यात नोंद करण्यात आली आहे. पोलिस अधिक तपास करीत आहेत.