Lok Sabha Election 2024: मतदान हे देशाप्रती कर्तव्य बजावण्याचे महत्त्वपूर्ण साधन आहे. मतदान केल्यावर इतरांनाही फेसबुक, इन्स्टाग्राम, व्हॉट्स ॲपवर स्टेट्स तसेच स्टोरी ठेवून लोकशाहीच्या उत्सवाची जागृती खासकरून तरुणाईने केली.
आम्ही मतदान केले, तुम्हीही मतदान करा, असा संदेश देणारे फोटो, व्हिडिओ लोकांनी मोठ्या प्रमाणात समाजमाध्यमांवर टाकले होते. लोकशाही (Democracy) उत्सवाला तंत्रज्ञानाची जोड देत मोठ्या प्रमाणात उत्साह साजरा केला. निवडणूक आयोग, सरकारी यंत्रणा, राज्यातील महनीय व्यक्तींनीदेखील नागरिकांनी घराबाहेर पडून मतदान करावे यासाठी समाजमाध्यमांद्वारे आवाहन केले. अनेक नवमतदारांनी मतदान केंद्राबाहेर उभे राहून बोटाला लावलेली शाई दाखवत फोटो काढून तर काहींनी मतदान प्रमाणपत्रासोबत फोटो काढून मतदानास प्रवृत्त केले.
इन्स्टाग्राम (Instagram) तसेच फेसबुकवर मतदानासाठी प्रवृत्त करणारे व्हिडिओ, रिल्स आज ट्रेंडिंगमध्ये होते. मराठी, कोकणी तसेच इंग्रजी गाण्यांच्या साहाय्याने अनेकांनी रिल्स बनवून मतदारांना मतदान करण्यासाठी प्रवृत्त केले. त्यांच्या या रिल्सना नागरिकांचा उत्तम प्रतिसाद लाभला.
निवडणूक आयोगानेही समाजमाध्यमे, प्रसारमाध्यमांच्या माध्यमातून मतदान करण्यासाठी आवाहन केले. महनीय व्यक्ती, खेळाडू, कलाकार, साहित्यिक, दिव्यांग यांच्या माध्यमातून नागरिकांना मतदान करण्याचे आवाहन केले. निवडणूक आयोगाद्वारे नागरिकांना व्हॉट्स ॲपवर संदेश पाठवून मतदानासाठी प्रवृत्त केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.