डिचोली : कारापूर-सर्वण पंचायतीच्या उपसरपंचपदाची माळ योगेश पेडणेकर यांच्या गळ्यात पडली आहे. आज पार पडलेल्या निवडणुकीत त्यांची बिनविरोध निवड झाली. विद्यमान पंचायत मंडळात पेडणेकर यांची दुसऱ्यांदा उपसरपंचपदी निवड झाली आहे.

या पंचायतीचे माजी उपसरपंच दामोदर गुरव यांची सरपंचपदी (Sarpanch) निवड झाल्यानंतर उपसरपंचपद रिक्त झाले होते. रिक्त उपसरपंच पदाची निवड करण्यासाठी आज पंचायत (Panchayat) मंडळाची बैठक बोलाविण्यात आली होती. या बैठकीस सरपंच दामोदर गुरव यांच्यासह गोकुळदास सावंत, लक्ष्मण गुरव, योगेश पेडणेकर, सुषमा सावंत, उज्वला कवळेकर, आजस खान आणि महमद हुसेनसाब मदार हे पंचसदस्य उपस्थित होते. तर दत्तप्रसाद खारकांडे, रश्मी नाईक आणि नीता मोरजकर अनुपस्थित होत्या.

योगेश पेडणेकर यांनी सादर केलेला अर्ज निर्वाचन अधिकारी तथा गट विकास कार्यालयातील अभियंते नवनाथ आमरे यांनी ग्राह्य धरून पेडणेकर यांची बिनविरोध निवड झाल्याचे जाहीर केले.