पणजी : काही महिन्यांपूर्वी शेळवण-होडार येथे 'मल्टीबर्थ कार्गो जेटी' प्रकल्प होणार असल्याचे सरकारने सुतोवाच केले होते. त्या पार्श्वभूमीवर नागरिकांत चिंतेचे वातावरण असून, असोल्डावासीय पाटो-पणजी येथे जमले, संबंधित जेटी कोळसा हाताळणीसाठीच बांधली जात असल्याचा आरोप करण्यात आला.

'पर्यावरण वाचवा', अशा घोषणा देत काँग्रेस प्रदेशाध्यक्ष अमित पाटकर यांच्यासोबत पणजीतील पर्यावरण खात्याच्या कार्यालयाबाहेर निदर्शन केली. यावेळी मोठ्यासंख्येने महिला, ज्येष्ठ नागरिकही सहभागी झाले होते. यावेळी अमित पाटकर यांनी स्थानिकांची भूमिका विषद केली.

दरम्यान, त्याचवेळी आमदार काब्राल दाखल झाले. त्यांनी आपण स्थानिकांसोबत असल्याचे जाहीर केले. तत्पूर्वी पाटकर आणि काब्राल यांच्यात शाब्दिक बंद झाले.