फातोर्डा: दादर येथील रहिवाशी असलेल्या ओमान नायर या महिलेने सोन्याच्या वस्तूसह एकंदरीत आठ लाख रुपयांच्या ऐवजाची चोरी अनोळखी इसमाने प्रवासादरम्यान केली असल्याची तक्रार कोकण रेल्वे पोलिस स्थानकात दाखल केली आहे.

ही महिला आपल्या पतीसमवेत थ्रिसूर येथून वापी गुजरात येथे जात होती. ही चोरीची घटना 23 फेब्रुवारी रोजी सायंकाळी 4.30 वाजण्याच्या सुमारास मडगाव स्टेशनजवळ घडली होती. यावेळी एका अनोळखी व्यक्तीने सोन्याची चेन 15 तोळे, दोन सोन्याच्या रिंग, 2 तोळे सोने आणि याबरोबरच काही बँकेची क्रेडिट आणि डेबिट कार्ड मिळून एकंदरीत 8 लाख रुपयांचा ऐवज चोरून नेला असल्याचे तक्रारीत म्हटले आहे. या प्रकरणी कोकण रेल्वे पोलिस स्थानकाचे उपनिरीक्षक प्रितेश गावकर पुढील तपास करीत आहेत.