Goa Police: परदेशी पर्यटकांवर झालेल्या क्रूर हल्ल्यानंतर पेडणे पोलिसांनी मांद्रेतील दंडोसवाडो येथील आणि मोरजीतील मार्डीवाडा येथील दोन रिसॉर्ट्सचे परवाने रद्द करण्यासाठी पर्यटन विभागाला पत्र लिहिले आहे.
यातील एका प्रकरणात, उत्तराखंडमधील हॉटेल कर्मचारी अभिषेक वर्मा याने एका डच महिलेवर बलात्कार करण्याचा प्रयत्न केला होता. ती राहत असलेल्या रिसॉर्टमध्ये घुसून त्याने तिला क्रूरपणे मारहाण केली होती. तर दुसर्या घटनेत, हॉटेलमधील कर्मचार्यानेच रशियन महिलेवर हल्ला केला होता, त्यात ती जखमी झाली होती.
मांद्रे येथील रिसॉर्टबद्दल पोलिसांनी नोटीशीत म्हटले आहे की, रिसॉर्टमध्ये राहणाऱ्यांच्या सुरक्षेसाठी येथे सीसीटीव्ही कॅमेरे नव्हते. हॉटेलमध्ये काम करत असलेल्या कामगारांची जे संशयित आरोपी आहेत त्यांचीही ओळखपत्रे नव्हती.
रिसॉर्टने सुरक्षाविषयक सर्व नियमांचे उल्लंघन केले आहे तसेच रिसॉर्टला सबलेटदेखील केले आहे. त्यामुळे पोलिसांनी पर्यटन विभागाला या रिसॉर्टचा परवाना रद्द करण्याची विनंती केली आहे.
पोलीस तक्रारीच्या आधारे पर्यटन विभागाने रिसॉर्टला कारणे दाखवा नोटीस बजावली आहे आणि रिसॉर्टच्या मालकावर कारवाई का करू नये तसेच महिला पर्यटकाला जखमी केल्याबद्दल रिसॉर्ट सील का करू नये, अशी विचारणा केली आहे.
या कारणे दाखवा नोटीसला रिसॉर्ट मालकाने सात दिवसांत उत्तर द्यावे, असे सांगण्यात आले आहे. 31 मार्च मांद्रेतील रिसॉर्टमध्ये नेदरलँडच्या युवतीवर हल्ला झाला होता. तेव्हा तिला वाचवायला गेलेला युरिको डायस हा स्थानिक युवकही चाकू हल्ल्यात जखमी झाला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.